ఏసీ నడపడానికి ఎంత సోలార్ సామర్థ్యం ఉండాలి?

Solar Capacity For AC: ఎండలు మండిపోతున్న వేళ ఏసీ (AC) లేకుండా ఉండటం సామాన్యులకు కష్టంగా మారింది. అయితే ఏసీ వాడటం వల్ల వచ్చే భారీ విద్యుత్ బిల్లులు గుండెల్లో వణుకు పుట్టిస్తున్నాయి. ఒకవేళ మీరు ఏసీని ఉచితంగా వాడుకోవచ్చని తెలిస్తే? నమ్మడం కష్టంగా ఉన్నా, ప్రభుత్వానికి చెందిన ఒక ప్రత్యేక పథకం దీనిని నిజం చేస్తోంది.

PM సూర్య ఘర్ పథకం అంటే ఏమిటి?

ప్రభుత్వం ప్రవేశపెట్టిన ‘PM సూర్య ఘర్ – ముఫ్త్ బిజిలీ యోజన’ కింద ప్రజలు తమ ఇంటి పైకప్పుపై సోలార్ ప్యానెల్స్ అమర్చుకోవడాన్ని ప్రోత్సహిస్తారు. ఈ పథకం ద్వారా మీ ఇంటి పైనే మీరే విద్యుత్‌ను తయారు చేసుకోవచ్చు. అదే విద్యుత్‌తో ఏసీ వంటి భారీ పరికరాలను నడపవచ్చు. దీనివల్ల నెలవారీ కరెంటు బిల్లుల టెన్షన్ తప్పుతుంది.

ఏసీ నడపడానికి ఎంత సోలార్ సామర్థ్యం ఉండాలి?

మీరు ఒకవేళ 1-టన్ ఏసీని ఉపయోగిస్తుంటే దానిని సరిగ్గా నడపడానికి సుమారు 1.5kW నుండి 2kW సామర్థ్యం కలిగిన సోలార్ ప్యానెల్స్ అవసరమవుతాయి. అంట ఒక్కసారి సరైన సామర్థ్యం ఉన్న సోలార్ సిస్టమ్‌ను ఏర్పాటు చేసుకుంటే కరెంటు బిల్లు భారమే లేకుండా హాయిగా ఏసీ వాడుకోవచ్చు.

60% వరకు ప్రభుత్వ సబ్సిడీ

ఈ పథకంలో అత్యంత ఆకర్షణీయమైన అంశం ప్రభుత్వం అందించే సబ్సిడీ. సోలార్ ప్యానెల్స్ ఏర్పాటుకు అయ్యే మొత్తం ఖర్చులో ప్రభుత్వం 40% నుండి 60% వరకు భరిస్తుంది. దీనివల్ల సోలార్ సిస్టమ్ ఏర్పాటు సామాన్యులకు కూడా అందుబాటులోకి వచ్చింది.

Also Read: Punarvika: చిన్నారి పునర్వికకు రూ.16 కోట్ల ఇంజెక్షన్‌ తెప్పించిన లోకేశ్‌

విద్యుత్ తయారు చేయండి.. డబ్బు సంపాదించండి!

ఈ పథకం కింద మీ సోలార్ సిస్టమ్ మీ అవసరానికి మించి విద్యుత్‌ను ఉత్పత్తి చేస్తే మిగిలిన విద్యుత్‌ను మీరు ప్రభుత్వానికి విక్రయించవచ్చు. అంటే మీ కరెంటు బిల్లు సున్నా అవ్వడమే కాకుండా మీకు అదనపు ఆదాయం కూడా లభిస్తుంది. దీనినే నెట్ మీటరింగ్ అని అంటారు.

దరఖాస్తు చేసుకోవడం ఎలా?

ఈ పథకం ప్రయోజనం పొందడానికి మీరు pmsuryaghar.gov.in వెబ్‌సైట్‌కు వెళ్లి దరఖాస్తు చేసుకోవాలి. అక్కడ రిజిస్ట్రేషన్ ప్రక్రియ పూర్తయిన తర్వాత ప్రభుత్వం గుర్తించిన వెండర్ ద్వారా సోలార్ ప్యానెల్స్ అమర్చుకోవాలి. ఇన్‌స్టాలేషన్ పూర్తయ్యాక సబ్సిడీ సొమ్ము నేరుగా మీ బ్యాంకు ఖాతాలో జమ అవుతుంది.

ఈ పథకం ఎందుకు ప్రయోజనకరం?

ఎండల నుండి ఉపశమనం పొందడంతో పాటు మీ కరెంటు ఖర్చులను దాదాపుగా సున్నా చేసుకోవచ్చు. అలాగే సోలార్ ఎనర్జీ అనేది స్వచ్ఛమైన, సురక్షితమైన శక్తి కాబట్టి ఇది పర్యావరణానికి కూడా ఎంతో మేలు చేస్తుంది.