UPI Transaction IDs : యూపీఐ లావాదేవీలు ఇప్పుడు ఎంతభారీగా జరుగుతున్నాయో మనకు తెలుసు. ప్రతీ ఒక్కరు తమతమ ఫోన్ల నుంచి యూపీఐ పేమెంట్స్ చేస్తున్నారు. పాల ప్యాకెట్ కొనడం దగ్గరి నుంచి మొదలుకొని బంగారం కొనడం దాకా ప్రతీచోటా యూపీఐ లావాదేవీలు జరుగుతున్నాయి. ఈ తరుణంలో మరో కొత్త యూపీఐ నిబంధన ఫిబ్రవరి 1 నుంచి అమల్లోకి రానుంది. అదేమిటో ఈ కథనంలో తెలుసుకుందాం..
Also Read :Nirmalas Team : కేంద్ర బడ్జెట్‌‌కు ఆర్థికమంత్రి నిర్మల టీమ్‌లోని కీలక సభ్యులు వీరే
యూపీఐ కొత్త రూల్ ఇదే..
- మనం ఏదైనా యూపీఐ పేమెంట్ చేస్తే, వెంటనే దానికి సంబంధించిన యూపీఐ ట్రాన్సాక్షన్ ఐడీ(UPI Transaction IDs) జనరేట్ అవుతుంది.
- యూపీఐ ట్రాన్సాక్షన్ ఐడీలో ఇంగ్లిష్ అక్షరాలు, అంకెలు కలిసి ఉంటాయి. కొన్ని సందర్భాల్లో మాత్రం స్పెషల్ క్యారెక్టర్లు ఉన్న ట్రాన్సాక్షన్ ఐడీలు జనరేట్ అవుతాయి.
- ఈ ఐడీకి సంబంధించి నేషనల్ పేమెంట్స్ కార్పొరేషన్ ఆఫ్ ఇండియా(ఎన్‌పీసీఐ) జనవరి 9న ఒక సర్క్యులర్‌ను జారీ చేసింది.
- యూపీఐ ట్రాన్సాక్షన్ ఐడీలో స్పెషల్ క్యారెక్టర్లు ఉండకూడదని ఎన్‌పీసీఐ నిర్దేశించింది. ఒకవేళ అవి ఉంటే.. అలాంటి ఐడీలను యూపీఐ కేంద్ర వ్యవస్థ అనుమతించదని తేల్చి చెప్పింది. ఫిబ్రవరి 1 నుంచి ఈ రూల్ అమల్లోకి వస్తుందని తెలిపింది.
- యూపీఐ చెల్లింపు వ్యవస్థతో ముడిపడిన సాంకేతిక స్పెసిఫికేషన్స్‌కు అనుగూణంగా ఈ మార్పులు చేశామని ఎన్‌పీసీఐ తెలిపింది.
- ఎన్‌పీసీఐ కొత్త రూల్ ప్రకారం.. కేవలం ఆల్ఫా న్యూమెరిక్ ఐడీలు ఉన్న యూపీఐ ట్రాన్సాక్షన్ ఐడీలను మాత్రమే యూపీఐ కేంద్ర వ్యవస్థ అనుమతిస్తుంది.
Also Read :Sri Lankan Navy Firing : శ్రీలంక నేవీ ఫైరింగ్.. ఐదుగురు భారత మత్స్యకారులకు గాయాలు
- మన దేశంలో గత డిసెంబరు నెలలో 16.73 బిలియన్ల యూపీఐ లావాదేవీలు జరిగాయి. ఒక బిలియన్ అంటే 100 కోట్లు. నవంబరుతో పోలిస్తే డిసెంబరులో యూపీఐ లావాదేవీలు 8 శాతం పెరిగాయి.
- విలువ పరంగా చూస్తే గత డిసెంబర్‌ నెలలో రూ.23.25 లక్షల కోట్లు విలువైన యూపీఐ లావాదేవీలు జరిగాయి.