మహానాడు 2025 (Mahanadu)కార్యక్రమం నేపథ్యంలో తెలుగు దేశం పార్టీ అధినేత, ఆంధ్రప్రదేశ్ ముఖ్యమంత్రి చంద్రబాబు నాయుడు (Chandrababu) ప్రధాని నరేంద్ర మోదీ(Modi)తో భేటీ అయ్యారు. శనివారం ఢిల్లీలో జరిగిన నీతి ఆయోగ్ సమావేశంలో పాల్గొన్న అనంతరం, చంద్రబాబు ప్రత్యేకంగా మోదీని కలుసుకున్నారు. ఈ సమావేశంలో రాష్ట్ర అభివృద్ధి, సహకారంపై చర్చ జరిగిందని సమాచారం. అదే సమయంలో, టీడీపీ చేపట్టిన మహానాడు కార్యక్రమంపై మోదీ ఆసక్తి కనబరిచారు.
Tollywood : టాలీవుడ్ పెద్దలు కావాలని కష్టాలు కొనితెచ్చుకుంటున్నారా..?
పార్టీ కార్యక్రమంగా ప్రతి సంవత్సరం మహానాడు నిర్వహించడం ఆనవాయితీగా ఉంటుందని చంద్రబాబు వివరించారు. ఈ సందర్భంగా ప్రధాని మోదీ మహానాడు సందర్భంలో ప్రత్యేక సూచన చేశారు. మహానాడులో పాల్గొనే అతిథులకు తృణధాన్యాలతో తయారు చేసిన ఆరోగ్యకరమైన వంటకాలను వడ్డించాలని కోరారు. ప్రపంచవ్యాప్తంగా ఆరోగ్యంపై అవగాహన పెరుగుతున్న ఈ సమయంలో తృణధాన్యాలు ఎంతో ఉపయోగకరమని, కేంద్రం కూడా వీటిని ప్రోత్సహిస్తోందని మోదీ అభిప్రాయపడ్డారు.
మోదీ సూచనను చంద్రబాబు కూడా ఆదరించి, మహానాడులో మూడు రోజుల పాటు తృణధాన్యాలతో తయారైన ప్రత్యేక వంటకాలను వడ్డించేందుకు ఏర్పాట్లు చేయాలని టీడీపీ నేతలకు సూచించినట్టు తెలుస్తోంది. ఈ మేరకు తృణధాన్య వంటకాలపై నిపుణుల సహాయంతో ప్రత్యేక మెనూ సిద్ధం చేయాలని నిర్ణయించారు. ఈ కార్యక్రమం ద్వారా ఆరోగ్యవంతమైన ఆహారపు ప్రాధాన్యం కలిగించడమే కాకుండా, ప్రధాని సూచనలను పాటిస్తూ పార్టీ ప్రగతిని ప్రతిబింబించేలా ఉండే అవకాశం ఉంది.