Thalliki Vandanam : తల్లికి వందనంపై ఆరోపణలు.. లోకేశ్ క్లారిటీ

ఆంధ్రప్రదేశ్‌లో అమలు చేస్తున్న ‘తల్లికి వందనం’ (Thalliki Vandanam)పథకంపై ఆరోపణలు, విమర్శలు వెల్లువెత్తాయి. ఒక్కరి ఆధార్ నెంబర్‌తో వందల మందికి నిధులు జమ చేసినట్లు కొన్ని మీడియా కథనాల్లో పేర్కొనడం కలకలం రేపింది. ఈ ఆరోపణల నేపథ్యంలో రాష్ట్ర ఐటీ, విద్యా శాఖ మంత్రి నారా లోకేశ్ (Nara Lokesh) స్పందిస్తూ స్పష్టతనిచ్చారు. పథకాన్ని అపవదించడానికి ఇలాంటి దుష్ప్రచారాలు చేస్తున్నారని పేర్కొన్నారు.

WTC Prize Money: డ‌బ్ల్యూటీసీ ఫైన‌ల్‌.. ఏయే జ‌ట్టుకు ఎంత ప్రైజ్‌మ‌నీ అంటే?

తన అధికారిక ట్విటర్ ఖాతాలో స్పందించిన లోకేశ్.. ఆరుగురు కంటే ఎక్కువ పిల్లలున్న తల్లులు, లేదా అనాథ శరణాలయాల్లో ఉంటున్న పిల్లలకు ఇంకా డబ్బులు జమ చేయలేదు. గ్రామ సచివాలయం/వార్డు సచివాలయం సిబ్బంది ఫీల్డ్ వెరిఫికేషన్ చేశాకే వారికి నిధులు విడుదలవుతాయి. మాది ప్రజా ప్రభుత్వం తప్పు చెయ్యం.. చెయ్య నివ్వం’ అంటూ ట్వీట్ చేశారు. ముప్పై ఏళ్లకు పైబడిన తల్లులకు వంద రోజులు హాజరు ఉండే విద్యార్థుల ఆధారంగా ఈ పథకం అమలవుతోందని వివరించారు.

వాస్తవానికి ఈ పథకం ద్వారా తల్లుల కష్టాలను గుర్తించి వారిని గౌరవించే దిశగా ప్రభుత్వం ముందడుగు వేసిందని విశ్లేషకులు పేర్కొంటున్నారు. కొన్ని తప్పుడు ఆధారాలతో చేస్తున్న ఆరోపణలకు ప్రత్యుత్తరంగా మంత్రి లోకేశ్ ప్రకటన మరింత స్థిరతనిచ్చిందని సామాజిక వర్గాలు అభిప్రాయపడుతున్నాయి.