Jihadi Attack : బుర్కినా ఫాసోలో ఫ్రాన్స్ వర్సెస్ రష్యా.. ఉగ్రదాడిలో 130 మంది మృతి

Jihadi Attack : ఆఫ్రికా దేశం బుర్కినా ఫాసోలో జిహాదీ ఉగ్రవాదులు నరమేధానికి పాల్పడ్డారు.  బుర్కినాఫాసో ఉత్తర ప్రాంతంలో దాదాపు 130 మందికిపైగా ప్రజలను దారుణంగా హత్య చేశారు.చనిపోయిన వారిలో ఎక్కువ మంది సైనికులు, కార్మికులే ఉన్నారు. డజిబో పట్టణం‌లోని సైనిక స్థావరం సహా మొత్తం 8 సైనిక స్థావరాలపై జిహాదీ ఉగ్రవాదులు ఏకకాలంలో చేసిన దాడుల్లోనే ఈ మరణాలు సంభవించినట్లు తెలుస్తోంది. ఆదివారం తెల్లవారుజామున 6 గంటలకు ఈ మారణహోమం చోటుచేసుకోగా..  అత్యంత ఆలస్యంగా ఇవాళ విషయాలు ప్రపంచానికి తెలిశాయి. అల్‌ఖైదాతో లింకులున్న జమాత్ నస్రల్ ఇస్లామ్ వల్ ముస్లిమీన్  (JNIM) అనే ఉగ్రవాద సంస్థే ఈ పాశవిక దాడి చేసినట్లు గుర్తించారు. ఆ దాడిని తామే చేశామని JNIM ఓ ప్రకటన విడుదల చేసింది. బుర్కినా ఫాసోలోని సాహేల్ అనే ప్రాంతంపై జమాత్ నస్రల్ ఇస్లామ్ వల్ ముస్లిమీన్‌కు  బలమైన పట్టు ఉంది. ఏకకాలంలో 8 చోట్ల ఉగ్రదాడిని చేయడం ద్వారా బుర్కినా ఫాసో వాయుసేనను JNIM ఉగ్రవాదులు గందరగోళానికి గురి చేశారని తెలిసింది. దీనివల్ల ముందుగా ఎక్కడ దాడి చేయాలనే దానిపై బుర్కినా ఫాసో(Jihadi Attack) వాయుసేన క్లారిటీకి రాలేకపోయింది. ఉగ్రవాద వ్యతిరేక సైనిక యూనిట్లను JNIM ఉగ్రవాదులు ప్రధాన లక్ష్యంగా చేసుకున్నారని తెలిసింది.