పశ్చిమ హిమాలయాల్లో (Western Himalayas) పరిశోధకులు కొత్త పాముల (New snakes) జాతిని కనుగొన్నారు. దీనికి ప్రముఖ హాలీవుడ్ నటుడు లియోనార్డో డికాప్రియో (Hollywood actor Leonardo DiCaprio) పేరును పెట్టారు. ఈ జాతిని “అంగ్యు క్యులస్ డికాప్రియో” (Angu Culus DiCaprio) లేదా “డికాప్రియోస్ హిమాలయన్ స్నేక్” (DiCaprio’s Himalayan Snake) అని పిలుస్తారు. 2020లో ఈ పాములను గుర్తించినప్పటికీ, ఇటీవల సైంటిఫిక్ రిపోర్ట్స్‌లో ఈ వివరాలను పబ్లిష్ చేశారు. ఈ పాములు సాధారణంగా బ్రౌన్ కలర్‌లో ఉండి, 22 ఇంచుల పొడవు పెరుగుతాయి. పర్యావరణ పరిరక్షణకు డికాప్రియో చేసిన కృషికి గౌరవ సూచకంగా ఈ జాతికి ఆయన పేరు పెట్టడం జరిగింది.
ఇక లియోనార్డో డికాప్రియో హాలీవుడ్‌లో అత్యంత ప్రతిష్టాత్మక నటులలో ఒకరు. ఆయన 1974 నవంబర్ 11న లాస్ ఏంజిల్స్, కాలిఫోర్నియాలో జన్మించారు. డికాప్రియో అనేక విభిన్న పాత్రలను పోషిస్తూ, అద్భుతమైన నటనతో ప్రపంచవ్యాప్తంగా ప్రేక్షకులను అలరించారు. ఆయన 1990లలో తన కెరీర్‌ను ప్రారంభించి, 1997లో విడుదలైన “టైటానిక్” (Titanic) చిత్రంతో అంతర్జాతీయ ఖ్యాతిని సంపాదించారు. ఈ చిత్రం అతనిని స్టార్‌గా మార్చింది.
ప్రధాన చిత్రాలు:
Titanic (1997) – ఈ రొమాంటిక్ చిత్రం అతనికి విపరీతమైన క్రేజ్ తెచ్చిపెట్టింది.
Inception (2010) – సైకలాజికల్ థ్రిల్లర్‌గా ప్రసిద్ధి పొందిన ఈ చిత్రం డికాప్రియోకు గొప్ప ప్రశంసలు అందించింది.
The Wolf of Wall Street (2013) – ఈ చిత్రం వాణిజ్య రంగంలోని అవినీతి మరియు మోసాలను కవర్ చేస్తూ, అతనికి గుర్తింపు తెచ్చింది.
The Revenant (2015) – ఈ చిత్రంలో డికాప్రియో పాత్రకు గాను అతనికి ఆస్కార్ ఉత్తమ నటుడు అవార్డు లభించింది.
పర్యావరణ పరిరక్షణకర్త: డికాప్రియో పర్యావరణ పరిరక్షణకర్తగా కూడా ప్రసిద్ధి. ఆయన “లియోనార్డో డికాప్రియో ఫౌండేషన్” స్థాపించి పర్యావరణ పరిరక్షణ, వాతావరణ మార్పు, మరియు జీవ వైవిధ్యాన్ని కాపాడటానికి కృషి చేస్తున్నారు. అందుకే, పశ్చిమ హిమాలయాల్లో కొత్తగా కనుగొనబడిన పాములకు ఆయన పేరు పెట్టడం జరిగింది.
Read Also : Devara : ‘ఆయుధ పూజ’ ఫుల్ వీడియో సాంగ్ వచ్చేసిందోచ్