Shocking Video: రన్నింగ్ కారుకు కుక్కను కట్టేసిన డాక్టర్.. ఘటనపై నెటిజన్స్ ఆగ్రహం

Dog

రాజస్థాన్‌లోని జోధ్‌పుర్‌లో ప్రాణాలు కాపాడే గౌరవప్రదమైన వృత్తిలో ఉన్న ఓ వైద్యుడు.. మూగజీవి పట్ల అత్యంత దారుణంగా ప్రవర్తించాడు. తన కారుకు కుక్కను తాడితో కట్టాడు. అయితే కారు వేగంతో పరిగెత్తలేక ఆ శునకం తల్లడిల్లిపోయింది. ఈ హృదయవిదారక దృశ్యాన్ని ఓ వాహనదారుడు వీడియో తీశారు. ఆ వీడియోను ఎన్జీవో సంస్థ సోషల్‌మీడియాలో పోస్ట్‌ చేస్తూ పోలీసుల దృష్టికి తీసుకెళ్లింది.

అతడిపై వెంటనే చర్యలు తీసుకోవాలని, అతడి లైసెన్సును రద్దు చేయాలని డిమాండ్‌ చేశారు.  వైద్యుడిపై పోలీసులకు ఫిర్యాదు చేసినట్లు పేర్కొంది. ఈ ఫిర్యాదు మేరకు పోలీసులు వైద్యుడిపై కేసు నమోదు చేశారు. ఈ వీడియో ప్రస్తుతం సోషల్‌మీడియాలో వైరల్‌గా మారడంతో వైద్యుడిపై నెటిజన్లు తీవ్ర స్థాయిలో ఆగ్రహం వ్యక్తం చేస్తున్నారు.