Telangana: తెలంగాణ రాష్ట్రాన్ని Telangana) గ్లోబల్ టూరిజం హబ్‌గా తీర్చిదిద్దే లక్ష్యంతో నిర్వహించిన మెగా టూరిజం కాంక్లేవ్ చారిత్రాత్మక విజయాన్ని నమోదు చేసింది. ఈ సదస్సులో మొత్తం 30 టూరిజం ప్రాజెక్టులకు సంబంధించి రూ. 15,279 కోట్ల భారీ పెట్టుబడుల ఒప్పందాలు కుదిరాయి. ఈ ప్రాజెక్టుల ద్వారా దాదాపు 19,520 మందికి ప్రత్యక్ష ఉద్యోగాలు లభించనుండగా, మొత్తం 50,000 మందికి పైగా ఉపాధి అవకాశాలు కలుగనున్నాయి. ఈ పెట్టుబడులు తెలంగాణ పర్యాటక రంగంలో కొత్త శకానికి నాంది పలకనున్నాయి.
పెట్టుబడుల విభ‌జ‌న
కాంక్లేవ్‌లో కుదిరిన 30 ప్రాజెక్టుల్లో ప్రభుత్వ, ప్రైవేట్ భాగస్వామ్యం (PPP), పూర్తిగా ప్రైవేట్ రంగ ప్రాజెక్టులు ఉన్నాయి.
- 14 పీపీపీ ప్రాజెక్టులు: వీటి విలువ రూ. 7,081 కోట్లు.
- 16 ప్రైవేట్ రంగ ప్రాజెక్టులు: వీటి విలువ రూ. 8,198 కోట్లు.
- ప్రభుత్వం, ప్రైవేట్ రంగాల మధ్య వ్యూహాత్మక సహకారం ద్వారా రాష్ట్రంలో పర్యాటక మౌలిక సదుపాయాలను వేగవంతం చేయాలనే లక్ష్యంతో ఈ ఒప్పందాలు జరిగాయి.
Also Read: Periods: పీరియడ్స్ ప్ర‌తి నెలా స‌రైన స‌మ‌యానికి రావ‌డంలేదా? అయితే ఇలా చేయండి!
ప్ర‌ధాన ఆక‌ర్ష‌ణ‌లుగా నిలవనున్న ప్రాజెక్టులు
- తెలంగాణ పర్యాటక స్వరూపాన్ని మార్చనున్న ఈ ప్రాజెక్టులలో అనేక అద్భుతమైన ఆకర్షణలు ఉన్నాయి. వాటిలో ముఖ్యమైనవి.
- అనంతగిరిలో లగ్జరీ వెల్‌నెస్ రిట్రీట్ ఏర్పాటు.
- వికారాబాద్‌లో అంతర్జాతీయ ప్రమాణాలతో తాజ్ సఫారీ, విన్యార్డ్ రిసార్ట్ నిర్మాణం.
- రాష్ట్రంలో మూడు అత్యాధునిక అంతర్జాతీయ కన్వెన్షన్ సెంటర్ల స్థాపన.
- ఆసియాలోనే అతిపెద్దదైన రామోజీ ఫిలిం సిటీని రూ. 2,000 కోట్ల భారీ వ్యయంతో విస్తరించడం.
హైదరాబాద్‌లోకి అంతర్జాతీయ లగ్జరీ బ్రాండ్‌లు
ఈ కాంక్లేవ్ ద్వారా హైదరాబాద్ నగరానికి తొలిసారిగా ప్రపంచ ప్రఖ్యాత లగ్జరీ హోటల్ చైన్‌లు రాబోతున్నాయి. ప్రపంచవ్యాప్తంగా గుర్తింపు పొందిన ఇంటర్‌కాంటినెంటల్, సెయింట్ రీజిస్, ఒబెరాయ్ హోటల్స్ మొదటిసారిగా హైదరాబాద్‌లో తమ సేవలను ప్రారంభించనున్నాయి. ఈ విస్తరణ ప్రణాళికలో భాగంగా రాష్ట్రవ్యాప్తంగా 10,000 కొత్త హోటల్ గదులను అందుబాటులోకి తీసుకురానున్నారు. థీమ్ పార్కులు, ఫిలిం టూరిజం, వెడ్డింగ్ డెస్టినేషన్స్‌ను అభివృద్ధి చేయడంతో తెలంగాణ త్వరలోనే ప్రపంచ పర్యాటక పటంలో ముఖ్యమైన కేంద్రంగా మారనుంది. ఈ భారీ పెట్టుబడులు తెలంగాణ ఆర్థిక వృద్ధికి, ముఖ్యంగా యువతకు ఉద్యోగాల కల్పనకు ఊతమివ్వనున్నాయి. ఈ ప్రాజెక్టుల ద్వారా రాష్ట్రాన్ని గ్లోబల్ టూరిజం హబ్‌గా తీర్చిదిద్దే లక్ష్యం త్వరలోనే నెరవేరనుందని ప్రభుత్వం విశ్వాసం వ్యక్తం చేసింది.