హైదరాబాద్ పాతబస్తీలో రౌడీ షీటర్ దారుణ హత్యకు గురైయ్యాడు. షేక్ సయీద్ బవాజీర్ అనే 30 ఏళ్ల రౌడీ షీటర్ హత్యకు గురైనట్లు పోలీసులు తెలిపారు. తనకు ప్రాణహాని ఉందంటూ ఇటీవల సోషల్ మీడియాలో షేక్ సయీద్ బవాజీర్ ఓ వీడియో పోస్ట్ చేశాడు. బవాజీర్పై హత్యాయత్నం, పోక్సో కేసు, దాడి కేసుల్లో ప్రమేయం ఉందని, ప్రివెంటివ్ డిటెన్షన్ యాక్ట్ కింద అతడిని గతంలలో అరెస్టు చేసినట్లు పోలీసులు తెలిపారు. మంత్రులు, శాసనసభ్యులు, ప్రజాప్రతినిధులను విమర్శిస్తూ వీడియోలు బవాజీర్ పోస్ట్ చేసేవాడని పోలీసులు తెలిపారు. గతంలో షేక్ సయీద్ బవాజీర్ రాజకీయ పార్టీతో సంత్సంబంధాలు కొనసాగించేవాడని ఆ తరువాత ఆ పార్టీని వదిలేశాడని పోలీసులు తెలిపారు. బవాజీర్ ఇటీవల బండ్లగూడలో బిల్డింగ్ నిర్మాణాన్ని ప్రారంభించాడని… గురువారం రాత్రి.. అతను దుకాణంలో ఉన్నప్పుడు, అతని స్నేహితుడు, ఒక రౌడీషీటర్తో సహా ముగ్గురు వ్యక్తులు వచ్చి కత్తితో పొడిచి చంపినట్లు పోలీసులు వివరించారు. ఈ ఘటనపై కేసు నమోదు చేసిన పోలీసులు.. హత్యకు గల కారణాలపై లోతుగా దర్యాప్తు చేస్తున్నారు.