బీఆర్ఎస్ ఎమ్మెల్సీ కల్వకుంట్ల కవితను గత ఐదు నెలలుగా తీహార్ జైలులో ఉన్నారు. ఢిల్లీ లిక్కర్ స్కాంలో అరెస్టైన కవితను నిందితురాలుగా పేర్కొంటూ ఎన్‌ఫోర్స్‌మెంట్ డైరెక్టరేట్, సీబీఐ చార్జ్‌షీట్‌లు దాఖలు చేశారు. ఈ లిక్కర్ స్కాం కేసులో ఢిల్లీ సీఎం అరవింద్‌ కేజ్రీవాల్‌ కూడా అరెస్ట్ అయ్యారు. తీహార్ జైలులో ఉన్న తన సోదరి, బీఆర్ఎస్ ఎమ్మెల్సీ కల్వకుంట్ల కవిత అస్వస్థతకు గురై బరువు గణనీయంగా తగ్గారని బీఆర్ఎస్ వర్కింగ్ ప్రెసిడెంట్ కెటి రామారావు తెలిపారు. అయితే.. ఢిల్లీ లిక్కర్ పాలసీ స్కామ్‌లో ప్రమేయం ఉందనే ఆరోపణలతో కవితను ఈ ఏడాది ప్రారంభంలో అరెస్టు చేశారు. ఎన్‌ఫోర్స్‌మెంట్ డైరెక్టరేట్ (ఈడి), సెంట్రల్ బ్యూరో ఆఫ్ ఇన్వెస్టిగేషన్ (సిబిఐ) దాఖలు చేసిన రెండు కేసులలో ఆమెను అరెస్టు చేశారు. ఈరోజు తెలంగాణ భవన్‌లో కేటీఆర్ మాట్లాడుతూ.. జైలు శిక్ష సమయంలో కవిత దాదాపు 11 కేజీల బరువు తగ్గారని, రక్తపోటు కూడా పెరగడంతో రోజూ మందులు వాడుతున్నారని కేటీఆర్ అన్నారు.
We’re now on WhatsApp. Click to Join.
ఇటీవల కేటీఆర్, హరీశ్ రావుతో కలిసి ఢిల్లీలో ఉన్న సమయంలో తీహార్ జైలుకు వెళ్లి కవితను పరామర్శించారు. 11,000 మందిని మాత్రమే ఉంచేలా రూపొందించిన జైలులో 30 వేల మంది ఖైదీలను ఉంచుతున్నారని కేటీఆర్ అన్నారు. జైలు కూడా శుభ్రంగా లేదని కేటీఆర్ అన్నారు. అదే ఢిల్లీ మద్యం కుంభకోణం కేసులో అరెస్టయిన ఆమ్ ఆద్మీ పార్టీ నేత మనీష్ సిసోడియాకు ఈరోజు ఉదయం సుప్రీంకోర్టు బెయిల్ మంజూరు చేసింది. కవిత బెయిల్ పిటిషన్ విచారణలో ఉందని, సిసోడియా మాదిరిగానే ఆమె కూడా త్వరలో విడుదలవుతుందని ఆశాభావం వ్యక్తం చేశారు.
ఈ ఏడాది మార్చి 15న కవితను అదుపులోకి తీసుకున్నారు. అప్పటి నుండి, ఆమె అనేకసార్లు బెయిల్ పిటిషన్లు దాఖలు చేసింది, అయితే అవన్నీ తిరస్కరించబడ్డాయి. ఎక్సైజ్ పాలసీ కుంభకోణంలో డిఫాల్ట్ బెయిల్ కోరుతూ ఢిల్లీ కోర్టులో వేసిన పిటిషన్‌ను కవిత ఉపసంహరించుకున్నందున, ఆమె ఇప్పటికే సుప్రీంకోర్టులో పిటిషన్ దాఖలు చేశారు.
Read Also : Renu Desai : ప్లీజ్..కనీసం రైస్ అయినా పంపండి..ఫ్యాన్స్ ను వేడుకుంటున్న రేణు దేశాయ్