డిప్యూటీ సీఎం భట్టి విక్రమార్క (bhatti vikramarka) ..దీపావళి వేడుకలు (diwali celebration) ఝార్ఖండ్ (jharkhand) లో కాంగ్రెస్ నేతలతో జరుపుకున్నారు. భట్టి విక్రమార్క పండగ సీజన్‌లో కూడా రాజకీయ ప్రచారాల్లో బిజీగా గడపడం విశేషం. కాంగ్రెస్ పార్టీ ఆయనను ఝార్ఖండ్ ఎన్నికల కోసం స్టార్ క్యాంపెయినర్‌గా నియమించింది. నవంబర్ 13 మరియు 20 తేదీలలో రెండు విడతలుగా జరగనున్న ఝార్ఖండ్ అసెంబ్లీ ఎన్నికల్లో కాంగ్రెస్ ప్రభావం పెంచేందుకు భట్టి విక్రమార్క కీలక సమావేశాలు నిర్వహిస్తున్నారు.
ఇదే సమయంలో, మహారాష్ట్రలో కూడా నవంబర్ 20న ఎన్నికలు జరగనుండటంతో కాంగ్రెస్ పార్టీకి ఆయన సమర్థవంతమైన ప్రచార సహకారం అందిస్తున్నారు. దీపావళి పండగ వేళ కుటుంబంతో గడపడం కాకుండా ప్రజాసేవలో భాగమవుతూ తన బాధ్యతను నిర్వర్తిస్తున్నారు. 81 అసెంబ్లీ స్థానాలున్న ఈ రాష్ట్రంలో ప్రధానంగా అధికార హేమంత్ సొరెన్ నాయకత్వంలోని జార్ఖండ్ ముక్తి మోర్చా (జేఎంఎం)-కాంగ్రెస్ కూటమి, భారతీయ జనతా పార్టీ (బీజేపీ) మధ్య ప్రధాన పోటీ ఉంటుంది.
జార్ఖండ్ ఎన్నికల్లో కాంగ్రెస్ కీలక పాత్ర పోషిస్తోంది. జార్ఖండ్ ముక్తి మోర్చా (జేఎంఎం)తో కలసి ఉన్న ఈ కూటమి, అధికారంలో కొనసాగుతూ, ప్రభుత్వ విధానాల సమర్థన చేస్తోంది. ఈసారి కాంగ్రెస్ పార్టీ తన అభ్యర్థులను ప్రజలతో నేరుగా కలిపి తమ విశ్వసనీయతను పెంచేందుకు ప్రయత్నిస్తోంది. మోడీ ప్రభుత్వ విధానాలపై విపరీతమైన వ్యతిరేకతను ప్రస్తావిస్తూ, కేంద్ర ప్రభుత్వ పథకాల వల్ల రాష్ట్ర ప్రజలకు కలిగిన ఇబ్బందులను ఆవిష్కరించే దిశగా కాంగ్రెస్ ప్రచారాన్ని ముందుకు తీసుకువెళ్తోంది.
హేమంత్ సొరెన్ ప్రభుత్వం అమలు చేసిన సంక్షేమ పథకాలకు మద్దతు తెలుపుతూ కాంగ్రెస్ పార్టీ, ప్రభుత్వ కార్యక్రమాలను ప్రజల్లో మరింత ప్రచారం చేస్తోంది. రాష్ట్రంలో గిరిజనులు పెద్ద సంఖ్యలో ఉన్నారు. వారి హక్కుల పరిరక్షణ, భూమి హక్కులు, జీవనాధార సౌకర్యాల కల్పన వంటి అంశాల్లో కాంగ్రెస్ పార్టీ ప్రాధాన్యం ఇస్తోంది. కేంద్ర ప్రభుత్వ ఆర్థిక విధానాల కారణంగా రాష్ట్రం ఎదుర్కొంటున్న సవాళ్లను కాంగ్రెస్ స్పృశిస్తూ, నిత్యావసర వస్తువుల ధరలు, నిరుద్యోగ సమస్యలపై దృష్టి సారిస్తోంది. తెలంగాణ నుంచి భట్టి విక్రమార్క వంటి ముఖ్య నేతలను ఝార్ఖండ్‌కు పంపడం ద్వారా పార్టీకి బలమైన ప్రచార మద్దతు ఇవ్వాలని కృషి చేస్తున్నారు.
Read Also : Diwali Crackers Effect : హాస్పటల్స్ కు క్యూ కడుతున్న బాధితులు