Motorola e22s: అతి తక్కువ ధరకే మోటోరోలా స్మార్ట్ ఫోన్.. అద్భుతమైన ధర, ఫిచర్లు?

Motorola E22s

స్మార్ట్ ఫోన్ వినియోగదారులకు మోటోరోలా ఒక శుభవార్తను తెలిపింది. అతి తక్కువ బడ్జెట్లో అనగా రూ.10 వేలకు లోపు స్మార్ట్ ఫోన్లను కొనుగోలు చేయాలి అనుకున్న వారికి మోటోరోలా సంస్థ తాజాగా భారత మార్కెట్లోకి మరొక కొత్త మొబైల్ ను లాంచ్ చేసింది. రూ.10,000 లోపు సెగ్మెంట్లో మోటోరోలాఇ22ఎస్ మోడల్ ను లాంఛ్ చేసింది. డ్యూయెల్ కెమెరా సెటప్, 90Hz డిస్‌ప్లే, 5000mAh బ్యాటరీ అద్భుతమైన ఫీచర్లతో ఈ సరికొత్త స్మార్ట్ఫోన్ ని భారత్ మార్కెట్లోకి విడుదల చేసింది మోటోరోలా.

ఇకపోతే ఇటీవల రూ.10 వేల బడ్జెట్‌లో మోటో ఇ32, మోటో ఇ32ఎస్ మోడల్స్ ని లంచ్ చేసిన విషయం మనందరికీ తెలిసిందే. ఆ స్మార్ట్ ఫోన్లను కూడా తక్కువ ధరకే అందుబాటులోకి తీసుకువచ్చిన మోటోరోలా తాజాగా ఈ స్మార్ట్ ఫోన్ ఇంకాస్త తక్కువ ధరకు తీసుకువచ్చింది. ఈ స్మార్ట్‌ఫోన్ ధర రూ.8,999. ఫ్లిప్‌కార్ట్‌తోపాటు రీటైల్ స్టోర్లలో కొనొచ్చు. ఈ స్మార్ట్ ఫోన్ అక్టోబర్ 22న సేల్ ప్రారంభం అవుతుంది. కాగా ఈ స్మార్ట్ ఫోన్ స్పెసిఫికేషను వివరాల విషయానికొస్తే..

4జీబీ ర్యామ్, 64జీబీ స్టోరేజ్ వేరియంట్‌ తో లభించనుంది. అలాగే మైక్రో ఎస్‌డీ కార్డ్ స్లాట్‌తో 1టీబీ వరకు స్టోరేజ్ పెంచుకోవచ్చు. కాగా ఇందులో 6.5 అంగుళాల ఐపీఎస్ ఎల్‌సీడీ డిస్‌ప్లే, 90Hz రిఫ్రెష్ రేట్ సపోర్ట్ కూడా లభిస్తుంది. మీడియాటెక్ హీలియో జీ37 ప్రాసెసర్‌తో పనిచేస్తుంది. ఈ మోటోరోలా ఇ22ఎస్ కెమెరా ఫీచర్స్ చూస్తే ఇందులో 16 మెగాపిక్సెల్ ప్రైమరీ కెమెరా ప్లస్ 2 మెగాపిక్సెల్ డెప్త్ సెన్సార్లతో డ్యూయెల్ కెమెరా సెటప్ ఉంది. సెల్ఫీలు, వీడియో కాల్స్ కోసం 8మెగాపిక్సెల్ ఫ్రంట్ కెమెరా ఉంది. ఈ స్మార్ట్‌ఫోన్ ఆండ్రాయిడ్ 12 ఆపరేటింగ్ సిస్టమ్‌తో పనిచేస్తుంది. మోటోరోలా ఇ22ఎస్ స్మార్ట్‌ఫోన్‌లో 5,000ఎంఏహెచ్ బ్యాటరీ ఉంది. 10వాట్ ఛార్జింగ్ సపోర్ట్ చేస్తుంది.