ఇండియన్ ప్రీమియర్ లీగ్ 2023 27వ మ్యాచ్లో గురువారం పంజాబ్ కింగ్స్ (PBKS), రాయల్ ఛాలెంజర్స్ బెంగళూరు (RCB) మధ్య పోరు జరగనుంది. ఈ మ్యాచ్ పంజాబ్ హోమ్ గ్రౌండ్ మొహాలీలో జరగనుంది. ఈ మ్యాచ్ ద్వారా రాయల్ ఛాలెంజర్స్ బెంగళూరు జట్టు విజయపథంలోకి రావాలని కోరుకుంటోంది. గత మ్యాచ్లో చెన్నై సూపర్ కింగ్స్తో జరిగిన మ్యాచ్లో 8 పరుగుల తేడాతో బెంగళూరు జట్టు ఓటమి చవిచూడాల్సి వచ్చింది. మరోవైపు లక్నో సూపర్ జెయింట్స్ తో జరిగిన మ్యాచ్లో విజయం సాధించిన శిఖర్ ధావన్ జట్టు ఉత్సాహంగా ఉంది. ఇలాంటి పరిస్థితుల్లో ఇరు జట్ల మధ్య హోరాహోరీ పోటీ నెలకొననుంది. ఇది కాకుండా రెండు జట్లలో కీలకమైన ఆటగాళ్లు ఉన్నారు.
ఇండియన్ ప్రీమియర్ లీగ్ 2023లో రాయల్ ఛాలెంజర్స్ బెంగళూరు విజయంతో తమ ప్రచారాన్ని ప్రారంభించింది. అయితే వరుస విజయాలను కొనసాగించడంలో ఆ జట్టు విఫలమైంది. 16వ సీజన్లో బెంగళూరు జట్టు ఇప్పటివరకు 5 మ్యాచ్లు ఆడగా, అందులో 2 గెలిచి, మూడు ఓడింది. 4 పాయింట్లతో RCB జట్టు పాయింట్ల పట్టికలో ఎనిమిదో స్థానంలో ఉంది.
Also Read: LSG Beat RR: రాజస్థాన్ జోరుకు లక్నో బ్రేక్… ఉత్కంఠ పోరులో గెలిచిన సూపర్ జెయింట్స్
మరోవైపు పంజాబ్ కింగ్స్ ప్రదర్శన ఇప్పటి వరకు యావరేజ్ గా ఉంది. పంజాబ్ ఆడిన 5 మ్యాచ్ల్లో మూడింటిలో గెలిచి 2 ఓడిపోయింది. శిఖర్ ధావన్ జట్టు 6 పాయింట్లతో ఐదో స్థానంలో ఉంది. పంజాబ్ కింగ్స్, రాయల్ ఛాలెంజర్స్ బెంగళూరు జట్ల మధ్య జరిగిన గత 6 మ్యాచ్ల ఫలితాలు చూస్తే.. ఆర్సీబీపై పంజాబ్కు బలమైన రికార్డు ఉంది. బెంగళూరుతో జరిగిన గత 6 మ్యాచ్ల్లో పంజాబ్ 5 గెలిచింది.
పంజాబ్ కింగ్స్, రాయల్ ఛాలెంజర్స్ బెంగళూరు మధ్య జరిగే మ్యాచ్ ప్రత్యక్ష ప్రసారాన్ని స్టార్ స్పోర్ట్స్ నెట్వర్క్ అనేక ఛానెల్లలో చూడవచ్చు. ఇది అనేక భాషలలో ప్రసారం చేయబడుతుంది. ఇది కాకుండా JIO CINEMA యాప్కు సబ్స్క్రిప్షన్ ఉన్న వినియోగదారులు ఆన్లైన్ స్ట్రీమింగ్ ద్వారా వారి మొబైల్ ఫోన్లలో మ్యాచ్ను ఉచితంగా ఆస్వాదించవచ్చు.
పంజాబ్ కింగ్స్ జట్టు (అంచనా): శిఖర్ ధావన్ (C), ప్రభ్సిమ్రాన్ సింగ్, మాట్ షార్ట్, హర్ప్రీత్ సింగ్, సికందర్ రజా, సామ్ కర్రాన్, జితేష్ శర్మ, షారుఖ్ ఖాన్, హర్ప్రీత్ బ్రార్, కగిసో రబాడ మరియు అర్ష్దీప్ సింగ్.
రాయల్ ఛాలెంజర్స్ బెంగళూరు జట్టు (అంచనా): విరాట్ కోహ్లీ, ఫాఫ్ డు ప్లెసిస్ (C), మహిపాల్ లోమ్రోర్, గ్లెన్ మాక్స్వెల్, షాబాజ్ అహ్మద్, దినేష్ కార్తీక్ (WK), వనిందు హసరంగా, హర్షల్ పటేల్, వేన్ పార్నెల్, మహ్మద్ సిరాజ్, విజయ్కుమార్ వైషాక్