Vaibhav Suryavanshi : విజయ్ హజారే ట్రోఫీలో యువ సంచలనం వైభవ్ సూర్యవంశీ చరిత్ర సృష్టించాడు. కేవలం 36 బంతుల్లోనే సెంచరీ బాది.. లిస్ట్-ఏ క్రికెట్లో ఈ ఘనత సాధించిన అతి పిన్న వయస్కుడిగా రికార్డు నెలకొల్పాడు. బిహార్ తరఫున బరిలోకి దిగిన వైభవ్.. అరుణాచల్ప్రదేశ్తో జరిగిన మ్యాచ్లో 84 బంతుల్లో 190 పరుగులు చేశాడు. కాగా, ఫాస్టెస్ట్ సెంచరీలు చేసిన జాబితాలో మూడో స్థానంలో నిలిచాడు. కాగా, ఇటీవల అండర్ 19 ఆసియా కప్ ఫైనల్లో వైభవ్ సూర్యవంశీ చేసిన పేలవ ప్రదర్శనపై విమర్శలు వచ్చిన సంగతి తెలిసిందే.
- 14 ఏళ్లకే వైభవ్ సూర్యవంశీ రికార్డుల మీద రికార్డులు
- విజయ్ హజారే ట్రోఫీలోసూపర్ సెంచరీ
- లిస్ట్-ఏ క్రికెట్లో సెంచరీ బాదిన అతి పిన్న వయస్కుడిగా రికార్డ్
యంగ్ సెన్సేషన్ వైభవ్ సూర్యవంశీ విజయ్ హజారే ట్రోఫీ 2025లో అదరగొడుతున్నాడు. రాంచీ వేదికగా బిహార్, అరుణాచల్ ప్రదేశ్ మధ్య జరిగిన మ్యాచ్లో సూర్యవంశీ రికార్డు సృష్టించాడు. బిహార్ తరఫున బరిలోకి దిగి.. 36 బంతుల్లోనే సెంచరీ మార్క్ అందుకున్నాడు. ఓపెనర్గా క్రీజులోకి దిగిన ఈ 14 ఏళ్ల కుర్రాడు.. హిమాచల్ బౌలర్లను రఫ్పాడించి 84 బంతుల్లో 190 పరుగులు బాదాడు. కాగా, ఈ తాజా సెంచరీతో విజయ్ హజారే ట్రోఫీలో చరిత్రలో సెంచరీ బాదిన అతి పిన్న వయస్కుడిగా వైభవ్ సూర్యవంశీ నిలిచాడు. అంతేకాకుండా లిస్ట్-ఏ క్రికెట్లో సెంచరీ బాదిన అతి పిన్న వయస్కుడిగా రికార్డ్ సృష్టించాడు. లిస్ట్-ఏలో ఫాస్టెస్ట్ సెంచరీ బాదిన మూడో బ్యాటర్గా, రెండో భారతీయుడిగా నిలిచాడు.
ఈ లిస్ట్లో జేక్ ఫ్రేజర్ మెక్గర్క్ 29 బంతుల్లో సెంచరీ బాది తొలి స్థానంలో ఉన్నాడు. ఆ తర్వాతి స్థానాల్లో ఏబీ డివిలియర్స్ (31 బంతులు), అన్మోల్ ప్రీత్ సింగ్ (35 బంతులు), వైభవ్ సూర్యవంశీ (36 బంతులు), కోరే అండర్సన్ (36 బంతులు), గ్రహమ్ రోజ్ (36 బంతులు) ఉన్నారు. అయితే లిస్-ఏ క్రికెట్లో వేగవంతమైన సెంచరీ బాదిన తొలి భారత ఆటగాడిగా అన్మోల్ ప్రీత్ సింగ్ నిలిచాడు. అన్మోల్ గతేడాది అరుణాచల్ ప్రదేశ్తో జరిగిన మ్యాచ్లో ఈ రికార్డు నమోదు చేశాడు. ఈ మ్యాచ్లో టాస్ గెలిచి బ్యాటింగ్కు దిగిన బిహార్కు ఓపెనర్లు వైభవ్ సూర్యవంశీ, మంగళ్ మహ్రార్ అదిరిపోయే ఆరంభాన్ని అందించారు. మహ్రార్(33) ఔటైనా, సూర్యవంశీ విధ్వంసకర బ్యాటింగ్తో చెలరేగాడు.
వైభవ్ సూర్యవంశీ మిగతా రికార్డులు..
- అతిపిన్న ఐపీఎల్ ప్లేయర్
- ఐపీఎల్లో సెంచరీ బాదిన అతిపిన్న వయస్కుడు (35 బంతుల్లో)
- ఐపీఎల్లో రెండో అత్యంత వేగవంతమైన సెంచరీ (35 బంతుల్లో) (మొదటి స్థానంలో క్రిస్ గేల్ (30 బంతులు))
- ఐపీఎల్లో అత్యంత వేగవంతమైన సెంచరీ చేసిన భారతీయుడు
తాజాగా విజయ్ హజారే ట్రోఫీ మ్యాచ్లో 226.19 స్టైక్ రేట్తో 15 సిక్స్లు, 14 ఫోర్లతో చెలరేగిపోయిన వైభవ్ సూర్యవంశీ.. ఇటీవల పాకిస్తాన్తో జరిగిన అండర్ 19 ఆసియా కప్ 2025 ఫైనల్ మ్యాచ్లో మాత్రం పేలవ ప్రదర్శన చేశాడు. ఓపెనర్గా బరిలోకి దిగి.. అగ్రెసివ్ బ్యాటింగ్తో 26 పరుగులకు ఔట్ అయ్యాడు. ఆ తర్వాత టీమిండియా ఓపెనర్లు తేలిపోయారు. 50 పరుగుల లోపే 3 వికెట్లు కోల్పోయారు. ఆ తర్వాత బ్యాటర్లందరూ పెవిలియన్కు క్యూ కట్టారు. దీంతో 348 పరుగుల భారీ టార్గెట్తో బరిలోకి దిగిన భారత్.. 156 పరుగులకే ఆలౌట్ అయింది. దీంతో 191 పరుగులు తేడాతో పాకిస్తాన్ విజయం సాధించింది.