KL Rahul- Athiya Wedding: ఘనంగా టీమిండియా స్టార్ క్రికెటర్ పెళ్లి

Resizeimagesize (1280 X 720) 11zon

టీమిండియా స్టార్ క్రికెటర్ కేఎల్ రాహుల్ (KL Rahul), బాలీవుడ్ నటుడు సునీల్ శెట్టి కుమార్తె అతియా శెట్టి (Athiya Shetty) పెళ్లితో ఒక్కటయ్యారు. వీరి వివాహం ముంబైలో సోమవారం అత్యంత వేడుకగా జరిగింది. ఖండాలాలో సునీల్ శెట్టి కుటుంబానికి చెందిన లగ్జరీ ఫాంహౌస్ లో ఈ వివాహ కార్యక్రమం నిర్వహించారు. ఈ వేడుకలో పలువురు ప్రముఖులు పాల్గొన్నారు. ఇరువురి కుటుంబసభ్యులు, బంధుమిత్రులు ఈ పెళ్లికి హాజరై నూతన వధూవరులు కేఎల్ రాహుల్, అతియా శెట్టిలకు శుభాకాంక్షలు తెలిపారు. వివాహం తర్వాత KL రాహుల్ తన ఇన్‌స్టాగ్రామ్ ఖాతాలో పెళ్లి ఫోటోలను పంచుకున్నారు. షేర్ చేసిన ఫోటోలలో కొత్తగా పెళ్లయిన జంట చాలా సంతోషంగా ఉన్నారు. KL రాహుల్ ఒక ఫోటోలో అతియా శెట్టి చేతిని ముద్దుపెట్టుకుంటున్నాడు.

కేఎల్ రాహుల్, అతియా శెట్టి చాలాకాలంగా ప్రేమలో ఉన్నారు. సోషల్ మీడియాలో ఫొటోలు పెట్టడం, ఒకరి పోస్టులపై మరొకరు కామెంట్లు చేయడం ద్వారా వీరు తమ బంధాన్ని ఎప్పటికప్పుడు వెల్లడిస్తూ, అందరి దృష్టిలో పడ్డారు. KL రాహుల్, అతియా శెట్టి 3 సంవత్సరాలకు పైగా డేటింగ్ చేశారు. వివాహానికి హాజరైన అతిథులకు దక్షిణ భారత వంటకాలను వడ్డించారు. సంప్రదాయాన్ని కొనసాగిస్తూనే అరటి ఆకులపై అతిథులకు వంటకాలు వడ్డించారు. అతియా, కెఎల్ రాహుల్ వారి కుటుంబ సభ్యులు, సన్నిహితుల సమక్షంలో సోమవారం సాయంత్రం 4 గంటలకు వివాహ ప్రమాణం చేశారు.

Also Read: Maha Governor: ఇంక రాజకీయాలు చాలు.. రాజీనామా చేస్తున్నా: మహా గవర్నర్

పెళ్లి తర్వాత స్వయంగా సునీల్ శెట్టి కూడా మీడియా ముందుకు వచ్చి అందరికీ కృతజ్ఞతలు తెలిపారు. కుమార్తె పెళ్లి గురించి సునీల్ శెట్టి సమాచారం ఇచ్చారు. కుమార్తె పెళ్లి గురించి సునీల్ శెట్టి సమాచారం ఇచ్చారు. కూతురి పెళ్లి సమాచారం ఇస్తూ.. అతియా శెట్టి, కెఎల్ రాహుల్‌కి వివాహమైందని, నేను మామని అయ్యానని సునీల్ శెట్టి అన్నారు. సునీల్ శెట్టికి సంబంధించిన ఈ వీడియో మరింత వైరల్ అవుతోంది. నేను చాలా సంతోషంగా ఉన్నాను, రాహుల్ కుటుంబం చాలా బాగుందని సునీల్ అన్నారు.