11 Sixes Off 12 Balls: భారతదేశంలో ప్రతిరోజూ కొత్త కొత్త క్రికెట్ సంచలనాలు వెలుగులోకి వస్తున్నాయి. ప్రస్తుతం దేశంలోని పలు రాష్ట్రాల్లో జరుగుతున్న టీ20 లీగ్లలో పరుగుల సునామీలు కొనసాగుతున్నాయి. ఇప్పుడు కేరళ క్రికెట్ లీగ్లో సల్మాన్ నిజార్ అనే యువ ఆటగాడు సృష్టించిన విధ్వంసం అందరినీ ఆశ్చర్యపరిచింది. చివరి 12 బంతుల్లో 11 సిక్సర్లు (11 Sixes Off 12 Balls) బాది సరికొత్త రికార్డు సృష్టించాడు. దీంతో ఒకే ఓవర్లో 40 పరుగులు సాధించి అందరి దృష్టిని ఆకర్షించాడు.
క్రీజ్లో విధ్వంసం
కేరళ క్రికెట్ లీగ్లో అదానీ తిరువనంతపురం రాయల్స్- కోజికోడ్ గ్లోబ్స్టార్ మధ్య జరిగిన మ్యాచ్లో ఈ అద్భుతం జరిగింది. కోజికోడ్ గ్లోబ్స్టార్ జట్టు 18 ఓవర్లలో 6 వికెట్లు కోల్పోయి కేవలం 115 పరుగులు మాత్రమే చేసింది. ఆ సమయంలో 13 బంతుల్లో 17 పరుగులు చేసి క్రీజ్లో ఉన్న సల్మాన్ నిజార్పై అందరి ఆశలు నిలిచాయి.
Also Read: IVF Tips : ఐవీఎఫ్ చికిత్స ఖర్చులు.. ఆశలు, ఆందోళనలు, వాస్తవాలు
6,6,6,6,6,1,6,6,6,6,6,6 BY SALMAN NIZAR IN KCL 🥶
– One of the Craziest Six Hitting ever, 11 Sixes in the last 12 balls. pic.twitter.com/NpQiUhzTU7
— Johns. (@CricCrazyJohns) August 30, 2025
19వ ఓవర్లో: సల్మాన్ మొదటి ఐదు బంతుల్లో ఐదు సిక్సర్లు బాది, చివరి బంతికి సింగిల్ తీశాడు.
20వ ఓవర్లో: ఆఖరి ఓవర్లో బౌలర్పై పూర్తి ఆధిపత్యం చూపించిన సల్మాన్ ఆరు సిక్సర్లు బాదాడు. అదనంగా ఒక నోబాల్, ఒక వైడ్ బాల్ కారణంగా ఆ ఓవర్లో మొత్తం 40 పరుగులు వచ్చాయి.
ఈ రెండు ఓవర్లలో మొత్తం 71 పరుగులు రాగా, చివరి 12 బంతుల్లో సల్మాన్ 11 సిక్సర్లు కొట్టాడు. దీని ఫలితంగా కోజికోడ్ గ్లోబ్స్టార్ జట్టు 20 ఓవర్లలో 186 పరుగులు చేసింది. సల్మాన్ కేవలం 26 బంతుల్లో 86 పరుగుల తుఫాన్ ఇన్నింగ్స్ ఆడాడు.
ఐపీఎల్లో అవకాశాలు
సల్మాన్ నిజార్ తన 86 పరుగుల ఇన్నింగ్స్లో మొత్తం 12 సిక్సర్లు కొట్టాడు. కేరళ క్రికెట్ లీగ్ 2025 సీజన్లో అతను ఇలా అద్భుతంగా రాణించడం ఇది మొదటిసారి కాదు. గతంలో కూడా 26 బంతుల్లో అజేయంగా 48 పరుగులు, 34 బంతుల్లో అజేయంగా 51 పరుగులు, 44 బంతుల్లో 77 పరుగులు చేశాడు. అతని ప్రదర్శనతో ఆకట్టుకున్న చెన్నై సూపర్ కింగ్స్ ఐపీఎల్ 2025 మధ్య సీజన్లో సల్మాన్ను ట్రయల్లో పరిశీలించింది. ఇప్పుడు ఐపీఎల్ 2026 వేలంలో సల్మాన్పై డబ్బుల వర్షం కురిసే అవకాశం ఉంది.