RCB vs CSK: ఐపీఎల్ 2026 సీజన్ 11వ మ్యాచ్లో రాయల్ ఛాలెంజర్స్ బెంగళూరు, చెన్నై సూపర్ కింగ్స్ జట్లు తలపడేందుకు సిద్ధమయ్యాయి. ఈ హై-వోల్టేజ్ మ్యాచ్ ఆదివారం (ఏప్రిల్ 5) బెంగళూరులోని ఎం. చిన్నస్వామి స్టేడియంలో రాత్రి 7:30 గంటలకు ప్రారంభం కానుంది. డిఫెండింగ్ ఛాంపియన్ RCB తన మొదటి మ్యాచ్లో సన్రైజర్స్ హైదరాబాద్ను 6 వికెట్ల తేడాతో ఓడించి అద్భుతమైన ప్రారంభాన్ని అందుకుంది. ఇప్పుడు అదే గెలుపు జోరును కొనసాగించాలనే పట్టుదలతో మైదానంలోకి దిగనుంది.
మరోవైపు ఐదుసార్లు ఛాంపియన్గా నిలిచిన CSK జట్టుకు ఈ సీజన్ ఆరంభం చాలా పేలవంగా ఉంది. మొదటి రెండు మ్యాచ్ల్లో రాజస్థాన్ రాయల్స్, పంజాబ్ కింగ్స్ చేతుల్లో ఓటమిని చవిచూసింది. ఇప్పుడు మూడవ మ్యాచ్లోనైనా గెలుపు ఖాతా తెరవాలని CSK భావిస్తోంది. కానీ వారి ముందు RCB రూపంలో గట్టి సవాలు ఉంది. RCBపై గత 3 మ్యాచ్లలో CSK రికార్డు అంత ఆశాజనకంగాలేదు.
Also Read: అసలు సినిమా ముందుంది.. ఆప్పై రాఘవ్ చద్దా ఫైర్!
RCB- CSKలలో ఎవరిది పైచేయి?
IPL చరిత్రలో రాయల్ ఛాలెంజర్స్ బెంగళూరు, చెన్నై సూపర్ కింగ్స్ జట్లు మొత్తం 35 సార్లు తలపడ్డాయి. ఇందులో 21 మ్యాచ్లు గెలిచిన CSK పైచేయి సాధించింది. RCB 13 మ్యాచ్ల్లో విజయం సాధించగా, ఒక మ్యాచ్లో ఫలితం తేలలేదు. అయితే గత కొన్ని సీజన్లలో పరిస్థితి కొద్దిగా మారింది. గత మూడు మ్యాచ్ల్లో RCB జట్టు CSKను ఓడించింది.
గత సీజన్లో RCB ఒక మ్యాచ్లో 50 పరుగుల తేడాతో, మరో మ్యాచ్లో కేవలం 2 పరుగుల తేడాతో CSKపై విజయం సాధించింది. ఐపీఎల్ 2024లో కూడా బెంగళూరు జట్టు చెన్నైని 27 పరుగుల తేడాతో ఓడించింది. అయితే ఆ సీజన్ మొదటి మ్యాచ్లో CSK 6 వికెట్ల తేడాతో RCBని ఓడించింది. కానీ ప్రస్తుతం జట్టు కూర్పు, ఫామ్ పరంగా RCB చాలా బలంగా కనిపిస్తోంది. ఈ నేపథ్యంలో RCBని ఎదుర్కోవడం CSKకు అంత సులభం కాకపోవచ్చు.
రాయల్ ఛాలెంజర్స్ బెంగళూరు (RCB): ఫిల్ సాల్ట్, విరాట్ కోహ్లీ, దేవదత్ పడిక్కల్, రజత్ పాటిదార్ (కెప్టెన్), టిమ్ డేవిడ్, జితేష్ శర్మ (వికెట్ కీపర్), కృనాల్ పాండ్యా, భువనేశ్వర్ కుమార్, జాకబ్ డఫీ, అభినందన్ సింగ్, సుయాష్ శర్మ.
ఇంపాక్ట్ ప్లేయర్- రొమారియో షెపర్డ్.
చెన్నై సూపర్ కింగ్స్ (CSK): రుతురాజ్ గైక్వాడ్ (కెప్టెన్), సంజూ శామ్సన్ (వికెట్ కీపర్), సర్ఫరాజ్ ఖాన్, ఆయుష్ మ్హాత్రే, కార్తీక్ శర్మ, డెవాల్డ్ బ్రెవిస్, శివమ్ దూబే, నూర్ అహ్మద్, ఖలీల్ అహ్మద్, అన్షుల్ కంబోజ్, మాట్ హెన్రీ/జేమీ ఓవర్టన్.
ఇంపాక్ట్ ప్లేయర్- ప్రశాంత్ వీర్.