Jasprit Bumrah: టీమ్ ఇండియా అత్యుత్తమ ఫాస్ట్ బౌలర్ల గురించి మాట్లాడేటప్పుడు జస్ప్రీత్ బుమ్రా పేరు ఖచ్చితంగా వస్తుంది. ప్రస్తుతం భారత్, దక్షిణాఫ్రికా మధ్య జరుగుతున్న మ్యాచ్లో బుమ్రా తన సత్తా ఏంటో మరోసారి నిరూపించాడు. టాస్ ఓడిపోయి మొదట బౌలింగ్కు దిగిన టీమ్ ఇండియా తరపున బుమ్రా అద్భుత ప్రదర్శన చేశాడు. ఈ క్రమంలోనే ఆయన ఒక భారీ రికార్డును తన పేరిట లిఖించుకున్నాడు. దీనివల్ల టీమ్ ఇండియా సూపర్ స్టార్ స్పిన్నర్ రవిచంద్రన్ అశ్విన్ రికార్డు బద్దలైంది.
జస్ప్రీత్ బుమ్రా సరికొత్త చరిత్ర
భారత స్టార్ ఫాస్ట్ బౌలర్ జస్ప్రీత్ బుమ్రా దక్షిణాఫ్రికాతో జరిగిన మ్యాచ్లో 4 ఓవర్లు వేశాడు. అందులో కేవలం 15 పరుగులు మాత్రమే ఇచ్చి 3 బ్యాటర్లను పెవిలియన్కు పంపాడు. పవర్ప్లేలోనే క్వింటన్ డి కాక్, రయాన్ రికెల్టన్లను అవుట్ చేసిన బుమ్రా ఇన్నింగ్స్ చివరలో కార్బిన్ బాష్ను పెవిలియన్ చేర్చాడు. బుమ్రా కట్టుదిట్టమైన బౌలింగ్ వల్లే దక్షిణాఫ్రికా జట్టు 200 పరుగుల మార్కును దాటలేకపోయింది.
Also Read: ఉదయం నిద్రలేవగానే ఈ లక్షణాలు కనిపిస్తే.. మీ బీపీ పెరిగినట్లే!
ఈ 3 వికెట్లు తీయడంతో బుమ్రా ఒక అరుదైన రికార్డును సాధించాడు. ఇప్పుడు ఐసీసీ టీ20 వరల్డ్ కప్ చరిత్రలో అత్యధిక వికెట్లు తీసిన భారత బౌలర్గా బుమ్రా నిలిచాడు. బుమ్రా ఇప్పటివరకు 22 మ్యాచ్ల్లో 33 వికెట్లు పడగొట్టాడు. అంతకుముందు ఈ రికార్డు రవిచంద్రన్ అశ్విన్ పేరిట ఉండేది. అశ్విన్ 24 మ్యాచ్ల్లో 32 వికెట్లు తీశారు. బాష్ వికెట్ తీయగానే బుమ్రా అశ్విన్ను అధిగమించాడు.
అశ్విన్ రికార్డును సమం చేసిన అర్ష్దీప్ సింగ్
జస్ప్రీత్ బుమ్రా మాత్రమే కాకుండా, మరో ఫాస్ట్ బౌలర్ అర్ష్దీప్ సింగ్ కూడా రవిచంద్రన్ అశ్విన్ రికార్డును సమం చేశాడు. దక్షిణాఫ్రికాతో జరిగిన ఈ మ్యాచ్లో అర్ష్దీప్ 4 ఓవర్లలో 28 పరుగులు ఇచ్చి 2 వికెట్లు తీశాడు. దీంతో ఐసీసీ టీ20 వరల్డ్ కప్లో అర్ష్దీప్ సింగ్ వికెట్ల సంఖ్య కూడా 32కి చేరింది. బుమ్రా, అర్ష్దీప్ ఈ రేసులో ఒకరినొకరు అధిగమించుకోవడానికి పోటీపడుతున్నారు. ప్రస్తుతానికి బుమ్రా అందరికంటే ముందున్నాడు. జింబాబ్వేతో జరిగే తదుపరి మ్యాచ్లో బుమ్రాను వెనక్కి నెట్టి అర్ష్దీప్ ముందుకు వెళ్లాలని భావిస్తున్నాడు.