IND vs NZ: అహ్మదాబాద్లోని నరేంద్ర మోదీ స్టేడియంలో మార్చి 8న భారత్- న్యూజిలాండ్ మధ్య ఫైనల్ మ్యాచ్ జరగనుంది. ఈ మ్యాచ్పై ప్రపంచవ్యాప్తంగా అందరి దృష్టి నెలకొంది. ఈ టోర్నమెంట్లో అద్భుత ప్రదర్శన చేస్తూ రెండు జట్లు ఫైనల్కు చేరుకున్నాయి. ప్రేక్షకులలో ఈ మ్యాచ్ పట్ల భారీ ఉత్సాహం కనిపిస్తోంది. టీమ్ ఇండియాకు సూర్యకుమార్ యాదవ్ నాయకత్వం వహిస్తుండగా, కివీస్ జట్టు మిచెల్ సాంట్నర్ కెప్టెన్సీలో బరిలోకి దిగనుంది. అయితే ఈ ఫైనల్ మ్యాచ్ కోసం పిచ్ ఎలా ఉండబోతుందనే ప్రశ్న అందరి మదిలో మెదులుతోంది. భారత్కు ఈ గ్రౌండ్ అంతగా కలిసి రాలేదు.
ఫైనల్ మ్యాచ్ పిచ్ ఎలా ఉండబోతోంది?
భారత్- న్యూజిలాండ్ మధ్య జరిగే ఈ ఫైనల్ మ్యాచ్ ‘ఫ్రెష్ పిచ్’పై జరగనుంది. ఈ టోర్నమెంట్లో ఈ పిచ్పై ఇప్పటివరకు ఒక్క మ్యాచ్ మాత్రమే జరిగింది. అందిన సమాచారం ప్రకారం.. ఇది స్టేడియం మధ్యలో ఉండే పిచ్ (Center Pitch). దీనిని నలుపు, ఎరుపు మట్టి రెండింటినీ కలిపి తయారు చేశారు. ఈ పిచ్పై బౌలర్లకు మంచి బౌన్స్ లభిస్తుంది. అదే సమయంలో బంతి బ్యాట్పైకి చక్కగా వస్తుంది. దీనివల్ల ఇక్కడ హై-స్కోరింగ్ మ్యాచ్ జరిగే అవకాశం ఉంది. టాస్ గెలిచిన జట్టు ముందుగా బౌలింగ్ ఎంచుకుంటే ప్రయోజనం ఉండవచ్చు.
Also Read: T20WC 2026 : ఫైనల్ మ్యాచ్ క్రేజ్..కొండెక్కిన హోటల్ రూముల ధరలు
బ్యాటర్లపైనే అందరి చూపు
పిచ్ రిపోర్ట్ ప్రకారం.. ఈ మ్యాచ్లో బ్యాటర్లకు పండుగనే చెప్పాలి. దీంతో ఇరు జట్ల టాప్ ఆర్డర్ బ్యాటర్లపై అందరి కళ్లు ఉన్నాయి. టీమ్ ఇండియా తరఫున అభిషేక్ శర్మ, ఇషాన్ కిషన్, సంజూ శాంసన్లపై బాధ్యత ఉండగా.. కివీస్ జట్టులో ఫిన్ అలెన్, టిమ్ సీఫెర్ట్, రచిన్ రవీంద్ర కీలక పాత్ర పోషించనున్నారు.
ప్లేయింగ్ 11 అంచనా
టీమ్ ఇండియా
సూర్యకుమార్ యాదవ్ (కెప్టెన్), అభిషేక్ శర్మ, సంజూ శాంసన్, ఇషాన్ కిషన్ (వికెట్ కీపర్), తిలక్ వర్మ, హార్దిక్ పాండ్యా, అక్షర్ పటేల్, శివమ్ దూబే, వరుణ్ చక్రవర్తి, జస్ప్రీత్ బుమ్రా, అర్ష్దీప్ సింగ్.
న్యూజిలాండ్
టిమ్ సీఫెర్ట్ (వికెట్ కీపర్), ఫిన్ అలెన్, రచిన్ రవీంద్ర, గ్లెన్ ఫిలిప్స్, మార్క్ చాప్మన్, డారిల్ మిచెల్, జేమ్స్ నీషమ్, మిచెల్ సాంట్నర్ (కెప్టెన్), కోల్ మెక్కాన్చీ, మాట్ హెన్రీ, లాకీ ఫెర్గూసన్.