England: ఇంగ్లండ్ (England) భారత్తో జరిగే రెండవ టెస్ట్ కోసం 15 మంది సభ్యుల జట్టును ప్రకటించింది. చాలా కాలం తర్వాత జట్టులో స్టార్ ఫాస్ట్ బౌలర్ జోఫ్రా ఆర్చర్ తిరిగి వచ్చాడు. భారత్- ఇంగ్లండ్ మధ్య రెండవ టెస్ట్ మ్యాచ్ జులై 2 నుంచి బర్మింగ్‌హామ్ ఎడ్జ్‌బాస్టన్‌లో జరగనుంది. ఇంగ్లండ్ ఇప్పటివరకు రెండవ టెస్ట్ కోసం మాత్రమే జట్టును ప్రకటించింది. సిరీస్‌లో మిగిలిన మూడు మ్యాచ్‌ల కోసం జట్టు ప్రకటన తర్వాత జరుగుతుంది. ఇంతకు ముందు ఇంగ్లండ్ తొలి టెస్ట్ కోసం మాత్రమే జట్టును ప్రకటించింది. భారత్తో జరుగుతున్న ఐదు మ్యాచ్‌ల టెస్ట్ సిరీస్‌లో రెండవ మ్యాచ్ కోసం ఇంగ్లండ్ జోఫ్రా ఆర్చర్‌ను జట్టులో చేర్చింది.
4 ఏళ్ల తర్వాత ఆర్చర్ టెస్ట్ జట్టులోకి తిరిగి రీఎంట్రీ!
30 ఏళ్ల జోఫ్రా ఆర్చర్ 2021 ఫిబ్రవరి తర్వాత మొదటిసారిగా టెస్ట్ జట్టులోకి తిరిగి వస్తున్నాడు. ఆర్చర్ కౌంటీ ఛాంపియన్‌షిప్ ఆఖరి రౌండ్‌లో డర్హామ్‌పై ససెక్స్ తరపున రెడ్ బాల్ క్రికెట్‌లో తిరిగి ఆడాడు. ఆర్చర్ తన ఆఖరి టెస్ట్ 2021లో భారత్‌పైనే ఆడాడు.
రెండవ టెస్ట్ కోసం ఇంగ్లండ్ 15 మంది సభ్యుల జట్టు: బెన్ స్టోక్స్ (కెప్టెన్), జోఫ్రా ఆర్చర్, షోయబ్ బషీర్, జాకబ్ బెథెల్, హ్యారీ బ్రూక్, బ్రైడన్ కార్స్, శామ్ కుక్, జాక్ క్రాలీ, బెన్ డకెట్, జామీ ఓవర్టన్, ఒలీ పోప్, జో రూట్, జామీ స్మిత్, జోష్ టంగ్, క్రిస్ వోక్స్.
ఇంగ్లండ్ లీడ్స్‌లో జరిగిన తొలి టెస్ట్‌ను ఇలా గెలిచింది!
లీడ్స్‌లో జరిగిన తొలి టెస్ట్ మ్యాచ్‌లో భారత జట్టు మొదట బ్యాటింగ్ చేసి 471 పరుగులు చేసింది. భారత్ తరపున మొదటి ఇన్నింగ్స్‌లో యశస్వీ జైస్వాల్ 101 పరుగులు, శుభ్‌మన్ గిల్ 147 పరుగులు, రిషభ్ పంత్ 134 పరుగులు చేశారు. ఆ తర్వాత ఇంగ్లండ్ జట్టు తమ మొదటి ఇన్నింగ్స్‌లో 465 పరుగులు చేసింది. ఇంగ్లండ్ తరపున ఒలీ పోప్ 106, హ్యారీ బ్రూక్ 99 పరుగులు చేశారు.
Also Read: Ashwagandha : అన్ని వ్యాధులకు ఒకటే మెడిసిన్ అశ్వగంధ.. దీని ప్రయోజనాలు తెలిస్తే షాక్ అవ్వాల్సిందే..
ఈ విధంగా భారత్‌కు మొదటి ఇన్నింగ్స్‌లో 6 పరుగుల ఆధిక్యం లభించింది. ఆ తర్వాత రెండవ ఇన్నింగ్స్‌లో టీమ్ ఇండియా 364 పరుగులు చేసి ఇంగ్లండ్‌కు 371 పరుగుల లక్ష్యాన్ని నిర్దేశించింది. ఈసారి భారత్ తరపున కెఎల్ రాహుల్ 137, రిషభ్ పంత్ 118 పరుగులు చేశారు. అంటే పంత్ రెండు ఇన్నింగ్స్‌లలోనూ సెంచరీలు సాధించాడు.ఇంగ్లండ్ ముందు 371 పరుగుల లక్ష్యం ఉంచింది. దానిని ఇంగ్లండ్ సులభంగా సాధించింది. అయితే, చివరి రోజు ఇంగ్లండ్‌కు గెలుపు కోసం 350 పరుగులు చేయాల్సి ఉంది. ఇంగ్లండ్ తరపున బెన్ డకెట్ 149 పరుగులు, జాక్ క్రాలీ 65 పరుగులు, జో రూట్ 53 పరుగులతో నాటౌట్‌గా నిలిచారు. ఇంకా వికెట్ కీపర్ బ్యాట్స్‌మన్ జామీ స్మిత్ 44 పరుగులతో నాటౌట్‌గా నిలిచాడు.