సీఎస్కే జ‌ట్టులో భారీ మార్పు..!

CSK: IPL 2026 మార్చి 28 నుండి ప్రారంభం కానుంది. టోర్నమెంట్ ప్రారంభానికి కేవలం కొన్ని రోజులు మాత్రమే సమయం ఉన్న వేళ చెన్నై సూపర్ కింగ్స్ (CSK) జట్టులో ఒక పెద్ద మార్పు చోటుచేసుకుంది. ఇంగ్లాండ్ మాజీ ఆటగాడు జేమ్స్ ఫోస్టర్ చెన్నై కోచింగ్ స్టాఫ్‌లో చేరారు. IPL 2026లో జేమ్స్ ఫోస్టర్ తమ ఫీల్డింగ్ కోచ్‌గా వ్యవహరిస్తారని CSK అధికారికంగా ప్రకటించింది. జేమ్స్ ఇంగ్లాండ్ తరపున మొత్తం 23 అంతర్జాతీయ మ్యాచ్‌లు ఆడారు.

చెన్నై సూపర్ కింగ్స్‌లోకి జేమ్స్ ఫోస్టర్ ఎంట్రీ

ఇంగ్లాండ్ మాజీ వికెట్ కీపర్ బ్యాటర్ జేమ్స్ ఫోస్టర్ IPL 2026లో తమ ఫీల్డింగ్ కోచ్‌గా ఉంటారని CSK అధికారికంగా వెల్లడించింది. ఆయన 2001 నుండి 2009 వరకు ఇంగ్లాండ్ తరపున క్రికెట్ ఆడారు. ఈ కాలంలో ఆయన 7 టెస్టులు, 11 వన్డేలు, 5 T20I మ్యాచ్‌లలో భాగమయ్యారు. పదవీ విరమణ తర్వాత ఆయన ఇంగ్లాండ్, న్యూజిలాండ్ జట్లతో కోచింగ్ స్టాఫ్ సభ్యునిగా పనిచేశారు. ఇటీవల ILT20 విజేత జట్టు ‘డెజర్ట్ వైపర్స్’ సపోర్ట్ స్టాఫ్‌లో కూడా ఆయన పనిచేశారు.

Also Read: మీరు సొంతంగా బిజినెస్ స్టార్ట్ చేయాల‌ని చూస్తున్నారా?

సోషల్ మీడియాలో జేమ్స్ ఫోస్టర్ ఫోటోను షేర్ చేస్తూ CSK ఇలా రాసింది. జేమ్స్ ఫోస్టర్‌కు స్వాగతం పలకండి. ఇంగ్లాండ్‌కు చెందిన ఈ మాజీ వికెట్ కీపర్, కోచ్‌కి ప్రపంచవ్యాప్తంగా ఉన్న జట్లతో పనిచేసిన అనుభవం ఉంది. ఇప్పుడు ఆయన గర్వంగా తన కొత్త ప్రయాణాన్ని ప్రారంభిస్తున్నారని అని పేర్కొంది.

చెన్నై సూపర్ కింగ్స్ మొదటి మ్యాచ్ ఎప్పుడు, ఎవరితో?

IPL 2026లో చెన్నై సూపర్ కింగ్స్ తన మొదటి మ్యాచ్‌ను రాజస్థాన్ రాయల్స్‌తో ఆడనుంది. మార్చి 30న గౌహతిలోని బర్సాపరా స్టేడియంలో ఈ రెండు జట్ల మధ్య పోరు జరగనుంది. RR, CSK రెండింటికీ గత సీజన్ అంతగా కలిసి రాలేదు. కాబట్టి ఇప్పుడు IPL 2026ను విజయంతో ప్రారంభించాలని అవి భావిస్తున్నాయి. ఈసారి సంజూ శాంసన్ CSK తరపున ఆడనుండటంతో అభిమానులందరి దృష్టి ప్రధానంగా శాంస‌న్‌పైనే ఉంది.