Bowling Coach Morne Morkel: ఛాంపియన్స్ ట్రోఫీ 2025 ప్రారంభం కావడానికి ఇప్పుడు ఒక రోజు మాత్రమే మిగిలి ఉంది. టీమ్ ఇండియా తన ఛాంపియన్స్ ట్రోఫీ ప్రచారాన్ని ఫిబ్రవరి 20న ప్రారంభించనుంది. అయితే అంతకు ముందు భారత జట్టుకు పెద్ద ఎదురుదెబ్బ తగిలింది. టీమిండియా బౌలింగ్ కోచ్ మోర్నీ మోర్కెల్ (Bowling Coach Morne Morkel) దుబాయ్‌ని విడిచిపెట్టి తన దేశం దక్షిణాఫ్రికాకు తిరిగి వెళ్లాల్సి వ‌చ్చింది.
మోర్కెల్ ఎందుకు సౌతాఫ్రికా వెళ్తున్నాడు?
దైనిక్ జాగరణ్ నివేదిక ప్రకారం.. టీమిండియా బౌలింగ్ కోచ్ ఫిబ్రవరి 15న దుబాయ్ చేరుకున్న తర్వాత ఫిబ్రవరి 17న ప్రాక్టీస్ సెషన్‌కు హాజరు కాలేకపోయాడు. మోర్కెల్ తన స్వదేశమైన దక్షిణాఫ్రికాకు ఎందుకు తిరిగి వెళ్తున్నాడో ఇంకా స్పష్టంగా తెలియనప్పటికీ అతని తండ్రి మరణించాడని నివేదికలు చెబుతున్నాయి. దీని కారణంగా మోర్కెల్ ఛాంపియన్స్ ట్రోఫీని విడిచిపెట్టవలసి వచ్చిందని స‌మాచారం. మోర్కెల్ ఫిబ్రవరి 15న ICC ఛాంపియన్స్ ట్రోఫీ కోసం భారత క్రికెట్ జట్టుతో వచ్చారు. ఫిబ్రవరి 16న ICC అకాడమీలో జట్టు మధ్యాహ్నం ప్రాక్టీస్ సెషన్‌కు హాజరయ్యారు. అయితే అతను ఫిబ్రవరి 17న జట్టు ప్రాక్టీస్ సెషన్‌కు హాజరుకాలేదు.
Also Read: 200 Year Old Peoples: 200 ఏళ్లు దాటిన వారు 2వేల మందికిపైనే.. సంచలన ప్రకటన
నివేదికల ప్రకారం.. రోహిత్ శర్మ బృందం మంగళవారం శిక్షణ నుండి సెలవు తీసుకోవచ్చు. ఫిబ్రవరి 20న బంగ్లాదేశ్‌తో వమొదటి మ్యాచ్‌కు ముందు ఫిబ్రవరి 19న శిక్షణ పొందవచ్చు. మోర్కెల్ గైర్హాజరు ఇప్పుడు టోర్నమెంట్‌లో జట్టు అవకాశాలపై తీవ్రంగా ప్రభావం చూపే అవ‌కాశం ఉంది. జస్ప్రీత్ బుమ్రా జట్టులో భాగం కాకపోవడం, మహ్మద్ షమీ కూడా కొంచెం మందగమనంలో ఉన్నందున, ఇది టీమ్ ఇండియా టెన్షన్‌ను కొంచెం పెంచుతుంది.