Messi picture on currency: అర్జెంటీనా బ్యాంక్ సంచలన నిర్ణయం.. కరెన్సీపై మెస్సీ ఫోటో..!

లియోనెల్ మెస్సీ (Messi) కెప్టెన్సీలో అర్జెంటీనా (Argentina) జట్టు ఇటీవల జరిగిన FIFA వరల్డ్ కప్ 2022 సీజన్‌లో చరిత్ర సృష్టించింది. ఈ ప్రపంచకప్ ఖతార్‌లో జరిగింది. డిసెంబర్ 18న ఫైనల్ జరిగింది. ఇందులో అర్జెంటీనా (Argentina) పెనాల్టీ షూటౌట్‌లో ఫ్రాన్స్‌ను 4-2తో ఓడించి టైటిల్‌ను కైవసం చేసుకుంది. ఈ చారిత్రాత్మక విజయం తర్వాత అర్జెంటీనాలో సంబరాల వాతావరణం నెలకొంది. ఇదిలా ఉంటే.. అర్జెంటీనా ప్రభుత్వం మెస్సీ ఫోటోను తన దేశం కరెన్సీ నోట్లపై ముద్రించేందుకు ఆలోచనలో ఉన్నట్లు మీడియా కథనాలు పేర్కొంటున్నాయి. సెంట్రల్ బ్యాంక్ ఆఫ్ అర్జెంటీనా ప్రభుత్వానికి అలాంటి ప్రతిపాదన చేసిందని చెబుతున్నారు. తమ దేశ 1000 కరెన్సీ నోట్లపై ముద్రించేందుకు నిర్ణయం తీసుకుందట. ఈ మేరకు ఈ విషయాన్ని ఆ దేశ దినపత్రిక ఎల్‌ ఫినాన్సియరో రాసుకొచ్చింది.

ఇంతకు ముందు అర్జెంటీనా 1978, 1986లో టైటిల్‌ను గెలుచుకుంది. అటువంటి పరిస్థితిలో 1978 సమయంలో కూడా బ్యాంకు సంబరాలు చేసుకోవడానికి స్మారక చిహ్నంగా నాణేలను విడుదల చేసింది. ఇలాంటి పరిస్థితుల్లో ఈసారి కొత్తగా ఏదైనా చేయాలనే ఆలోచనలో బ్యాంకు ఉంది. ఈ విషయాన్ని అర్జెంటీనా వార్తాపత్రిక ఎల్ ఫైనాన్సిరో తన నివేదికలో వెల్లడించింది. వార్తాపత్రిక తన నివేదికలో సెంట్రల్ బ్యాంక్ ఆఫ్ అర్జెంటీనాతో ఉన్న అనేక ఎంపికలలో ఒకటి 1000పెసో నోటుపై మెస్సీ ఫోటోను ఉంచడం. ఇందులో మెస్సీ జెర్సీ నంబర్10 కూడా కనిపించనుంది. ఈ సంఖ్య వెయ్యిలో మొదటి రెండు అంకెలు 10 అవుతుంది. ఈ నోట్‌పై ‘లా స్కలోనెటా’ అనే పదం ఉంటుంది. ఇది అర్జెంటీనా జట్టు రెండవ పేరు కూడా అని రాసుకొచ్చింది.

Also Read: తొలిరోజు మనదే

ఖతార్ వేదికగా జరిగిన ఫిఫా ప్రపంచకప్‌లో లియోనెల్ మెస్సీ మొత్తం 7 గోల్స్ చేశాడు. ఫైనల్ మ్యాచ్‌లో రెండు గోల్స్ చేశాడు. ఈ రెండు గోల్‌లు 23వ (పెనాల్టీ), 108వ నిమిషాల్లో వచ్చాయి. 36వ నిమిషంలో అర్జెంటీనా తరఫున ఏంజెల్ డి మారియా గోల్ కొట్టాడు. ఫైనల్‌లో కిలియన్ ఎంబాప్పే ఫ్రాన్స్ తరఫున మూడు గోల్స్ చేశాడు. ఈ విధంగా అదనపు సమయం తర్వాత కూడా మ్యాచ్ 3-3తో సమమైంది. ఆ తర్వాత పెనాల్టీ షూటౌట్‌లో అర్జెంటీనా చాంపియన్‌గా నిలిచింది. ప్రపంచకప్ చరిత్రలో అర్జెంటీనా జట్టు మూడో టైటిల్‌ను కైవసం చేసుకుంది. మెస్సీ సారథ్యంలోని ఈ అర్జెంటీనా జట్టు అంతకుముందు 1978, 1986 టైటిళ్లను గెలుచుకుంది. ఇది కాకుండా అర్జెంటీనా మూడు సార్లు (1930, 1990, 2014) రన్నరప్‌గా నిలిచింది. మూడోసారి టైటిల్ నెగ్గాలన్న ఫ్రాన్స్ జట్టు కల చెదిరిపోయింది. అంతకుముందు 1998, 2018లో ఫ్రెంచ్ జట్టు ఛాంపియన్‌గా నిలిచింది.