ఒక కుక్క, ఒంటరిగా సర్ఫింగ్ బోర్డు పై కూర్చొని.. ఏకంగా సముద్రంలో జలకాలాటలు ఆడుతోంది. వెనుక నుంచి సముద్రపు అలలు వెంటాడుతున్నా వెరువకుండా జలయానం సాగిస్తోంది. ఈ వీడియో ఇప్పుడు ఇన్ స్టాగ్రామ్ లో వైరల్ అవుతోంది. “Rosie Drottar” అనే ఈ కుక్క కు సంబంధించిన 25 సెకన్ల వీడియో కు ఇప్పటివరకు 1.8 కోట్ల వ్యూస్ వచ్చాయి. ఎంతోమంది నెటిజన్లు దీన్ని షేర్ కూడా చేశారు.
ఆ కుక్క సముద్రంలో సాహసోపేతంగా సర్ఫింగ్ చేయడం అబ్బురపరిచేలా ఉందని కామెంట్స్ పెట్టారు. ” ఆ శునకం ఇష్టపూర్తి గానే సముద్రంలో సర్ఫింగ్ చేసిందా అన్నట్టుగా వీడియో ఉంది ” అని ఒక నెటీజన్ చమత్కరించారు. “జలకాలాటలు అంటే.. ఎవరికి మాత్రం ఇష్టం ఉండదు. ఈ కుక్క కూడా మనుషుల్లాగే ఎంజాయ్ చేసింది” అని ఇంకొకరు పేర్కొన్నారు.