Mega Heros: వరుణ్- లావణ్య పెళ్ళిలో మెగా హీరోలందరూ ఒకే దగ్గర.. ఫోటో వైరల్..!

Mega Heros: వరుణ్ తేజ్- లావణ్య త్రిపాఠి వివాహం అనంతరం మెగా హీరోల (Mega Heros)తో కలిసి ఫోటో దిగ్గారు. కొత్త జంటకు చిరంజీవి, పవన్ కళ్యాణ్, నాగబాబు, రామ్ చరణ్, అల్లు అర్జున్, సాయి ధరమ్ తేజ్, అల్లు శిరీష్, వైష్ణవ్ తేజ్ శుభాకాంక్షలు తెలిపారు. మెగా హీరోలందరూ కలిసి దిగిన ఫోటోను మెగాస్టార్ చిరంజీవి తన సోషల్ మీడియాలో పోస్ట్ చేశారు. “వారు ప్రేమతో నిండిన కొత్త జీవిత ప్రయాణాన్ని ప్రారంభించారు. స్టార్ కపుల్ కు స్టార్ల శుభాకాంక్షలు” అని చిరు తన సోషల్ మీడియాలో రాసుకొచ్చారు.

ఇకపోతే మెగా ప్రిన్స్ వరుణ్ తేజ్ పెద్దల సమక్షంలో బుధవారం రాత్రి ఘనంగా పెళ్లి చేసుకున్నారు. వరుణ్ గత కొంతకాలంగా హీరోయిన్ లావణ్య త్రిపాఠితో ప్రేమలో ఉన్నారు. ఈ ఏడాది జూన్‌ 9న కుటుంబ సభ్యుల సమక్షంలో ఈ జంటకు నిశ్చితార్ధం జరిగింది. అందులో భాగంగానే వరుణ్, లావణ్యలు తమకు ఇష్టమైన ఇటలీలో బుధవారం పెళ్లి చేసుకున్నారు.

Also Read: Varun Tej- Lavanya: ఘనంగా వరుణ్ తేజ్- లావణ్యల వివాహం.. సోషల్ మీడియాలో ఫోటోలు వైరల్..!

ఇటలీలోని టస్కానీలో ఈ జంట పెళ్లి జరిగింది. ఇరు కుటుంబాలతో పాటు బంధువులు, స్నేహితుల సమక్షంలో లావణ్య త్రిపాఠి మెడలో వరుణ్ తేజ్ మూడు ముళ్లు వేశాడు. వీరి పెళ్లి ఫొటోలు సోషల్ మీడియాలో తెగ వైరల్ అవుతున్నాయి. వీటితో పాటు పెళ్లి మండపంలో మెగా ఫ్యామిలీ ఫొటోలు కూడా వైరల్ అవుతున్నాయి. ఈ నెల 5న వరుణ్- లావణ్యల రిసెప్షన్ మాదాపూర్ ఎన్- కన్వెన్షన్ లో జరగనుంది.

We’re now on WhatsApp. Click to Join.