world cup 2023: ముంబై వాంఖడే వేదికగా టీమిండియా శ్రీలంకతో తలపడుతుంది. టాస్ ఓడి బ్యాటింగ్ కు దిగిన టీమిండియాకు ఆరంభంలోనే బిగ్ షాక్ తగిలింది. దిల్షాన్ బౌలింగ్ లో హిట్ మ్యాన్ రోహిత్ శర్మ ఔట్ అయి తీవ్రంగా నిరాశపరిచాడు. 2 బంతులు ఎదుర్కొన్న రోహిత్ శర్మ ఫోర్ బాది పెవిలియన్ చేరాడు. మరో ఎండ్ లో గిల్ ఎటాకింగ్ మొదలు పెట్టాడు. మరోవైపు వన్ డౌన్ లో బ్యాటింగ్ కు వచ్చిన పరుగుల యంత్రం విరాట్ కోహ్లీ తుఫాన్ ఇన్నింగ్స్ తో లంకేయులను ముప్పుతిప్పలు పెడుతున్నాడు. ఈ క్రమంలో శుబ్ మన్ గిల్, విరాట్ కోహ్లీ హాఫ్ సెంచరీలు పూర్తి చేసుకున్నారు. గిల్, కోహ్లీ హాఫ్ సెంచరీలతో పూర్తిగా క్రీజులో స్థిరపడినట్లు కనిపిస్తోంది. వీళ్ళిద్దరూ ఇలానే కొనసాగితే హాఫ్ సెంచరీలను సెంచరీలుగా మార్చడానికి పెద్దగా సమయం పట్టదు.
శ్రీలంక జట్టు ఒక మార్పుతో బరిలోకి దిగింది. ధనంజయ్ డి సిల్వా స్థానంలో దుష్మంత్ హేమంత్ను జట్టులోకి తీసుకున్నారు. టీమిండియాలో ఎలాంటి మార్పు లేకుండానే బరిలోకి దిగింది. శ్రేయాస్ అయ్యర్ ని పక్కనపెట్టి ఇషాన్ కిషన్ ని తీసుకుంటారని భావించినా రోహిత్ అండ్ ద్రవిడ్ ఎలాంటి ప్రయోగాలకు వెళ్లలేదు.
భారత జట్టు: రోహిత్ శర్మ (కెప్టెన్), శుభ్మన్ గిల్, విరాట్ కోహ్లీ, శ్రేయాస్ అయ్యర్, కెఎల్ రాహుల్, సూర్యకుమార్ యాదవ్, రవీంద్ర జడేజా, మహ్మద్ షమీ, జస్ప్రీత్ బుమ్రా, కుల్దీప్ యాదవ్ మరియు మహ్మద్ సిరాజ్.
శ్రీలంక జట్టు: పాతుమ్ నిస్సాంక, దిముత్ కరుణరత్నే, కుసల్ మెండిస్ (కెప్టెన్), సదీర సమరవిక్రమ, చరిత్ అసలంక, దుష్మంత హేమంత, ఏంజెలో మాథ్యూస్, దుష్మంత చమీర, మహిష్ తీక్షణ, కసున్ రజిత్ మరియు దిల్షన్ మధుశంక.
Also Read: Kaleshwaram ATM: రాహుల్ కాళేశ్వరం ATM వ్యాఖ్యలపై బీఆర్ఎస్ ఎటాక్