Rain Alert Today : తెలంగాణలోని పలు జిల్లాల్లో ఇవాళ, రేపు భారీ నుంచి అతిభారీ వర్షాలు కురిసే అవకాశం ఉంది. ఇవాళ వర్ష సూచనతో ఎల్లో అలర్ట్ జారీ అయిన జిల్లాల్లో నిజామాబాద్, జగిత్యాల, మంచిర్యాల, కొమురంభీం ఆసిఫాబాద్, నిర్మల్, రాజన్న సిరిసిల్ల, కరీంనగర్, పెద్దపల్లి, జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం ఉన్నాయి. ఈ జిల్లాల్లో అక్కడక్కడ వానలు కురిసే అవకాశం ఉంది. ఇక ఇవాళ హైదరాబాద్ లో తేలికపాటి నుంచి మోస్తరు వానలు పడే ఛాన్స్ ఉంది.
ఇక ఏపీలోనూ ఇవాళ, రేపు వానలు పడే సూచన ఉందని అమరావతి వాతావరణ కేంద్రం (Rain Alert Today) తెలిపింది. ఇవాళ కోస్తాంధ్ర, రాయలసీమలలో ఒకటి, రెండు చోట్ల మోస్తరు నుంచి భారీ వర్షాలు కురుస్తాయని అంచనా వేశారు. శ్రీకాకుళం, పార్వతీపురం మన్యం, విజయనగరం, విశాఖ, అల్లూరి సీతారామరాజు జిల్లా, అనకాపల్లి, కాకినాడ, కృష్ణ, పల్నాడు, బాపట్ల, ప్రకాశం, తూర్పు గోదావరి, ఎన్టీఆర్, గుంటూరు, ఏలూరు, కోనసీమ, వెస్ట్ గోదావరి జిల్లాలకు ఆరెంజ్ అలర్ట్ ప్రకటించారు. రాయలసీమలో కడప, కర్నూలు, నంద్యాల, అనంతపురం, సత్యసాయి, అన్నమయ్య జిల్లాలకు కూడా ఆరెంజ్ అలర్ట్ ఇష్యూ అయింది. నెల్లూరు, తిరుపతి, చిత్తూరు జిల్లాలకు ఎల్లో అలర్ట్ ను జారీ చేశారు.