Sania Mirza: విడాకుల రూమర్స్ కు చెక్ పెడుతూ…సానియా మిర్జాకు బర్త్ డే విషేస్ చెప్పిన షోయబ్ మాలిక్.!!

Sania Mirza

ఇవాళ టెన్నిస్ స్టార్ సానియా మిర్జా పుట్టిన రోజు. అయితే ఈ మధ్య కాలంలో తన భర్త క్రికెటర్ షోయబ్ మాలిక్ తో విడాకులు తీసుకుంటున్నారన్న వార్తలు నెట్టింట్లో హల్ చల్ చేస్తున్నాయి. ఈ నేపథ్యంలో రూమర్స్ అన్నింటికి చెక్ పెడుతూ షోయబ్ మాలిక్, సానియా మిర్జాకు పుట్టిన రోజు శుభాకాంక్షలు తెలిపారు. ఇవాళ సానియా తన 36వ పుట్టిన రోజున జరుపుకుంటోంది. ఈ సందర్బంగా షోయబ్ సానియాతో కలిసి దిగిన ఫొటోను షేర్ చేశారు.

“పుట్టిన రోజు శుభాకాంక్షలు సానియా మిర్జా. మీరు ఆనందంగా ఆరోగ్యంగా ఉంటూ సంతోషకరమైన జీవితాన్ని గడపాలని కోరకుంటున్నాను ” అంటూ కామెంట్ జోడించాడు.

కాగా సానియా, షోయబ్ అధికారికంగా విడాకులు తీసుకుంటున్నట్లు ఈమధ్య పాకిస్తాన్, యూఏఈ మీడియాల్లో వార్తలు వచ్చాయి. ఈ వార్త ఇప్పటికే ట్రెండింగ్ లో ఉంది. వీరిద్దరి మధ్య మనస్పర్థలు వచ్చాయని…షోయబ్ ఓ షోలో సానియాను మోసం చేశారని పేర్కొన్నారు. అప్పటి నుంచి వీరిద్దరి మధ్య బంధం బెడిసికొట్టినట్లు వార్తలు వస్తున్నాయి. అయితే వారి నుంచి అధికారికంగా ఎలాంటి ప్రకటన రాలేదు.