Vice president : భారత రాజ్యాంగం ప్రకారం, దేశంలో రెండవ అత్యున్నత పదవి ఉపరాష్ట్రపతిది. అయితే, విచిత్రంగా ఉపరాష్ట్రపతిగా ఆయనకు ప్రత్యేకంగా ఎలాంటి జీతం ఉండదు. బదులుగా, ఆయన రాజ్యసభ చైర్మన్గా పనిచేస్తున్నందుకు జీతం పొందుతారు. ఇది సాలరీస్ అండ్ అలవెన్సెస్ ఆఫ్ ఆఫీసర్స్ ఆఫ్ పార్లమెంట్ యాక్ట్, 1953 ప్రకారం నిర్దేశించబడింది.
రాజ్యసభ చైర్మన్ హోదా..
ప్రస్తుతం, ఉపరాష్ట్రపతికి రాజ్యసభ చైర్మన్ హోదాలో నెలవారీ జీతం ₹4 లక్షలు, అంటే సంవత్సరానికి ₹48 లక్షలు అందుతుంది. ఈ జీతంతో పాటు, అదనపు ప్రయోజనాలు కూడా ఉంటాయి. వీటిలో ఉచిత నివాసం, వైద్య సదుపాయాలు, ప్రయాణ భత్యాలు, మొబైల్ ఫోన్, ల్యాండ్లైన్ కనెక్షన్, వ్యక్తిగత భద్రత మరియు సిబ్బంది వంటి సదుపాయాలు ఉన్నాయి.
Bathukamma Sarees : ఆ మహిళలకే బతుకమ్మ చీరలు.. రాష్ట్ర ప్రభుత్వం సంచలన నిర్ణయం
పదవీ విరమణ తర్వాత కూడా ఉపరాష్ట్రపతికి కొన్ని ప్రయోజనాలు లభిస్తాయి. ఉపరాష్ట్రపతిగా కనీసం రెండు సంవత్సరాలు పనిచేసిన వారు నెలవారీ పింఛనుగా సుమారు ₹2 లక్షలు పొందుతారు. దీనితో పాటు, వారికి ఉచితంగా టైప్-8 బంగ్లా, ఒక కార్యదర్శి, అదనపు కార్యదర్శి, వ్యక్తిగత సహాయకుడు, వైద్యుడు, నర్సింగ్ అధికారి మరియు నలుగురు వ్యక్తిగత సిబ్బందిని కేంద్ర ప్రభుత్వం సమకూరుస్తుంది. ఈ నిబంధనలన్నీ ఉపరాష్ట్రపతి హోదాకు తగిన గౌరవం మరియు భద్రతను కల్పిస్తాయి.
ఉపరాష్ట్రపతి ఎన్నిక ప్రక్రియ
ఉపరాష్ట్రపతి ఎన్నిక పరోక్ష పద్ధతిలో జరుగుతుంది, అంటే ప్రజలు నేరుగా ఓటు వేయరు. ఒక ప్రత్యేకమైన “ఎలక్టోరల్ కాలేజ్” ఈ ఎన్నికను నిర్వహిస్తుంది. ఈ ఎలక్టోరల్ కాలేజీలో కింది సభ్యులు ఉంటారు:
పార్లమెంటు ఉభయ సభల (లోక్సభ, రాజ్యసభ)లోని ఎన్నికైన సభ్యులు.
పార్లమెంటు ఉభయ సభల (లోక్సభ, రాజ్యసభ)లోని నామినేటెడ్ సభ్యులు.
రాష్ట్రపతి ఎన్నికతో పోలిస్తే, ఉపరాష్ట్రపతి ఎన్నికలో రాష్ట్రాల శాసనసభల సభ్యులకు ఓటు హక్కు ఉండదు. ఉపరాష్ట్రపతి ఎన్నిక “నైష్పత్తిక ప్రాతినిధ్య పద్ధతి” (Proportional Representation System).. “ఒకే బదిలీ ఓటు” (Single Transferable Vote) ద్వారా రహస్య బ్యాలెట్ పద్ధతిలో జరుగుతుంది. అభ్యర్థిగా పోటీ చేసేవారు కనీసం 20 మంది ఎంపీలచే ప్రతిపాదించబడాలి. మరో 20 మంది ఎంపీలచే బలపరచబడాలి.
Visakhapatnam : మళ్లీ ఈఐపీఎల్లో మంటలు ..నేవీ హెలికాప్టర్లతో రెస్క్యూ ఆపరేషన్