Abdul Rauf Azhar : భారతదేశ చరిత్రలో అత్యంత దారుణమైన విమాన హైజాక్ ఘటనగా నిలిచిన 1999 ఐసీ-814 కేసుకు ప్రధాన సూత్రధారిగా గుర్తించబడిన అబ్దుల్ రవూఫ్ అజార్ హతమయ్యాడు. జైషే మహమ్మద్ (జెఇఎం) ఉగ్రవాద సంస్థ కమాండర్గా ఉన్న అతను, భారత సాయుధ దళాలు ఇటీవల నిర్వహించిన ‘ఆపరేషన్ సిందూర్’లో మృతి చెందాడు. అత్యున్నత నిఘా వర్గాలు గురువారం ఈ విషయాన్ని ధృవీకరించాయి. ఉగ్రవాదానికి ఎదురుగా భారత వ్యూహాత్మక చర్యల్లో ఇది ఒక ప్రధాన మైలురాయిగా నిపుణులు అభిప్రాయపడుతున్నారు.
Read Also: Operation Sindoor : పాకిస్థాన్కు మరో ఎదురుదెబ్బ.. క్షిపణి రక్షణ వ్యవస్థపై భారత్ దాడి..!
అబ్దుల్ రవూఫ్ అజార్, జైషే మహమ్మద్ అధినేత మసూద్ అజార్ తమ్ముడు. 1999లో నేపాల్ నుండి ఢిల్లీకి వెళ్లే ఐసీ-814 విమానాన్ని కాందహార్కు హైజాక్ చేసిన సమయంలో అతడు కీలక పాత్ర పోషించాడు. ఆ ఘటన అనంతరం దశాబ్దాలుగా అతను భారత నిఘా సంస్థల నిక్షిప్త పత్రాల్లో “మోస్ట్ వాంటెడ్” జాబితాలో ఉన్నాడు. జాతీయ దర్యాప్తు సంస్థ (ఎన్ఐఏ) అతనిపై కేసులు నమోదు చేసింది. అతని హతనంతో, భారత్ తమ శత్రువులపై గట్టి హెచ్చరిక పంపినట్లయిందని అధికారులు తెలిపారు.
‘ఆపరేషన్ సిందూర్’ కింద, పాకిస్థాన్ మరియు పాక్ ఆక్రమిత కాశ్మీర్ (పీఓకే)లోని తొమ్మిది ఉగ్రవాద శిబిరాలపై భారత బలగాలు అత్యంత చురుకుగా దాడులు నిర్వహించాయి. ఈ దాడుల్లో ముఖ్యంగా జైషే మహమ్మద్కు చెందిన కీలక స్థావరాన్ని లక్ష్యంగా చేసుకున్నారు. విశ్వసనీయ వర్గాల ప్రకారం, ఈ స్థావరంపై జరిగిన చర్యల్లో అబ్దుల్ రవూఫ్ అజార్ మరణించాడు.
ఈ పరిణామం, పాక్ ప్రేరేపిత ఉగ్రవాద సంస్థల గుండెకు బలమైన దెబ్బగా మారిందని రక్షణ విశ్లేషకులు అభిప్రాయపడుతున్నారు. జైషే మహమ్మద్ వంటి సంస్థలు భారత భద్రతా వ్యవస్థను ధ్వంసం చేసే ప్రయత్నాలు చేస్తున్న వేళ, రవూఫ్ హతనంతో వాటికి ఎదురుదెబ్బ తగిలిందని నిపుణులు వ్యాఖ్యానిస్తున్నారు.
Read Also:KA Paul : ప్రధాని మోడీని కలిశాక పాక్కు వెళ్తా.. కేఏ పాల్ కీలక ప్రకటన