Viral Video: మోడీజీ నా స్కూల్ పరిస్థితి చూడండి: వైరల్ వీడియో

Viral Video

Viral Video: దేశ ప్రధాని నరేంద్ర మోడీజీ అంటూ ఓ పసిపాప తీసిన వీడియో నెట్టింట వైరల్ గా మారింది. తన స్కూల్ దుస్థితి వీడియోలో బంధించి మోడీకి విన్నవించుకుంది. ఆ వీడియో కాస్తా సోషల్ మీడియాలో పోస్ట్ చేయగా… క్షణాల్లో వైరల్ గా మారింది. కొద్దీ క్షణాల్లోనే మిలియన్ వ్యూస్ సాధించింది. ఇంతకీ ఆ వీడియోలో ఏముంది? ఆ పాప మోడీని ఏమని అభ్యర్ధించి ఇప్పుడు చూద్దాం…

జమ్మూ కశ్మీర్‌లోని కథువా జిల్లా లొహయ్-మల్హర్ గ్రామానికి చెందిన సీరత్ నాజ్ స్థానికి ప్రభుత్వ పాఠశాలలో చదువుకుంటుంది. అయితే ఆ పాఠశాలలో కనీస మౌలిక సదుపాయాలు కూడా లేవు. ఫ్లోరింగ్ అంత మురికిగా కనిపిస్తుంది. దీంతో విద్యార్థుల అనేక ఇబ్బందులు ఎదుర్కొంటున్నారు. అయితే తన పాఠశాల దుస్థితిని ఎలాగైనా ప్రధానికి తెలియచెప్పాలని నిశ్చయించుకుంది. మొబైల్ లో వీడియో ఆన్ చేసి… డియర్ మోడీజీ.. మా స్కూల్ ఎంత చెత్తగా ఉందో చూడండి. చాలా మురికిగా ఉంది. దానిమీదనే మేము కూర్చుంటున్నాము. మా స్కూల్ డ్రెస్ కి మురికి అంటడంతో మా పేరెంట్స్ మమ్మల్ని తిడుతున్నారు. మీరు దేశంలోని అందరి మాట వింటారు కదా. నా మాట కూడా వినాలని ఆ పసిపాప మోడీజీని అభ్యర్ధించింది.

డియర్ మోడీజీ మిమ్మల్ని ఒకసారి మా పాఠశాలకు టూర్ కి తీసుకొస్తాను. మా పాఠశాల ఎంత మట్టితో నిండి ఉందో మీరే చూస్తారు. మా స్కూల్ భవనం గత ఐదేళ్లుగా ఇలానే ఉంది. మీరు మా స్కూల్ ని పట్టించుకుని బాగు చేయాలి. ప్రిన్సిపాల్ రూమ్, స్టాఫ్ రూమ్ కూడా ఇలానే మురికిగా ఉంది. కావాలంటే మీరే చూడండి అంటూ కెమెరాని అటువైపుగా చూపించింది. మీరు ఇక్కడే కొత్త స్కూల్ భవనం నిర్మించాలి అంటూ ఖాళీ ప్రదేశాన్ని చూపించింది ఆ చిన్నారి. మీరు మా పాఠశాలను అందంగా తీర్చి దిద్దితే మేము అందరం బాగా చదువుకుంటాము. దయచేసి మా స్కూల్ ని బాగు చేయండి మోడీజీ అంటూ వీడియో సాగింది. ప్రస్తుతం ఈ వీడియో సోషల్ మీడియాలో చక్కర్లు కొడుతోంది. వందల మంది కామెంట్స్ చేస్తున్నారు. లక్షల లైక్ లు, మిలియన్ వ్యూస్ తో వైరల్ గా మారింది.

Read More: PM Modi Meditation Cave: మోడీ ధ్యానం చేసిన గుహకు క్రేజ్.. మే వరకు అడ్వాన్స్ బుకింగ్స్.. రెంట్ సహా పూర్తి వివరాలివి..