Indian Prisoners : ఏ దేశంలో ఎంతమంది భారతీయ ఖైదీలున్నారు.. తెలుసా ?

Indian Prisoners : ప్రపంచంలోని వివిధ దేశాల జైళ్లలో ఎంతోమంది భారతీయులు మగ్గుతున్నారు.  ఈ లిస్టులో చైనా నుంచి నేపాల్ దాకా ఎన్నో దేశాలు ఉన్నాయి. మన భారతదేశం పొరుగున ఉన్న నేపాల్‌లోని జైళ్లలో దాదాపు  1,317 మంది భారతీయులు జైలు శిక్షను అనుభవిస్తున్నారు. అయితే అత్యధిక భారతీయ ఖైదీలు ఉన్నది మాత్రం సౌదీ అరేబియా, యునైటెడ్ అరబ్ ఎమిరేట్స్‌ జైళ్లలోనే. ఈ రెండు దేశాల జైళ్లలో 2వేల మందికిపైగా భారతీయ ఖైదీలు ఉన్నారు. పాకిస్తాన్‌లోని జైళ్లలో 266 మంది, శ్రీలంకలో 98 మంది, సింగపూర్‌లో 92 మంది, భూటాన్‌లో 69 మంది,  థాయ్‌లాండ్‌లో 37 మంది, మాల్దీవుల్లో 10 మంది, మారిషస్‌లో 10 మంది, ఆఫ్ఘనిస్తాన్‌లో 8 మంది, బంగ్లాదేశ్‌లో నలుగురు, ఇజ్రాయెల్‌లో నలుగురు, మయన్మార్‌లో 27 మంది భారతీయ ఖైదీలు(Indian Prisoners) ఉన్నారు. ప్రపంచవ్యాప్తంగా 86 దేశాల్లోని జైళ్లలో 10,152 మంది భారతీయ ఖైదీలు ఉన్నారు. ఈమేరకు వివరాలతో ఒక నివేదికను భారత విదేశీ వ్యవహారాల శాఖ విడుదల చేసింది.