Futuristic Robotic Mules : రోబోలు మన సైన్యంలోకి ఎంట్రీ ఇచ్చాయి. నాలుగు పాదాలతో కూడిన Q-UGV రోబోలను మహారాష్ట్రలోని పూణేలో నిర్వహించిన భారత ఆర్మీ డే పరేడ్‌లో ప్రదర్శించారు. బాంబే ఇంజినీరింగ్ గ్రూప్ (BEG)నకు చెందిన పరేడ్ మైదానం వేదికగా ఈ పరేడ్ జరిగింది. ఇప్పటివరకు AeroArc Pvt Ltd కంపెనీ నుంచి భారత సైన్యం దాదాపు 100కుపైగా రోబోలను కొనుగోలు చేసింది. వీటి పేరు.. ‘ఆర్క్‌వీ మ్యూల్’. ఈ రోబోలను సైనికులు రిమోట్‌‌తో ఆపరేట్ చేయొచ్చు. స్వయం ప్రతిపత్తితోనూ అవి పనిచేయగలవు. ఇంతకీ ఈ రోబోలు ఎలా పనిచేస్తాయి ? వీటి ప్రత్యేకతలు ఏమిటి ? అనేది ఈ కథనంలో చూద్దాం..
#WATCH | Maharashtra | Visuals of the 77th Army Day Parade in Pune.
The Army Day Parade commemorates Field Marshal KM Cariappa’s appointment as the first Indian Commander-in-Chief of the Indian Army in 1949, symbolizing India’s post-independence military leadership. pic.twitter.com/JRoDiNwED3
— ANI (@ANI) January 15, 2025
Also Read :Three Warships Commissioned : ‘‘వికాసం కావాలి.. విస్తరణ కాదు’’.. మూడు యుద్ధ నౌకలను జాతికి అంకితమిచ్చిన మోడీ
ఎందుకీ పరేడ్ ?
భారత సైన్యానికి తొలి కమాండర్ ఇన్ చీఫ్‌గా ఫీల్డ్ మార్షల్ కె.ఎం.కరియప్పను 1949 సంవత్సరం జనవరి 15న నియమించారు. బ్రిటీషర్ల చివరి కమాండర్ ఇన్ చీఫ్ ఆఫ్ ఇండియా ఎఫ్ఆర్ఆర్ బుచర్ నుంచి కరియప్ప బాధ్యతలను స్వీకరించారు. ఆ చారిత్రక రోజును గుర్తు చేసుకుంటూ ఏటా జనవరి 15న ఆర్మీ డే పరేడ్‌ను నిర్వహిస్తుంటారు.
Also Read :Skill Development Case : సుప్రీంకోర్టులో చంద్రబాబుకు ఊరట
ఈ రోబోలు ఏం చేస్తాయి ?
- ‘ఆర్క్‌వీ మ్యూల్’ రోబోలను(Futuristic Robotic Mules) సైనిక పహారా కోసం వాడుతారు.
- ఇరుకైన ప్రదేశాల్లో ఉగ్రవాదులు, మావోయిస్టుల ఏరివేత ఆపరేషన్లను నిర్వహించే క్రమంలో వీటిని వాడుతారు.
- రసాయన సంబంధిత ప్రమాదాలు జరిగినప్పుడు భద్రతా చర్యల కోసం ఈ రోబోలను మోహరిస్తారు.
- బయొలాజికల్ దాడులు జరిగినప్పుడు, న్యూక్లియర్ పదార్థాల పేలుళ్లు సంభవించినప్పుడు ఈ రోబోలను వాడుతారు.
- బాంబులను నిర్వీర్యం చేసేందుకు కూడా ఇవి ఉపయోగపడతాయి.
రోబోలోని విశేషాలు..
- ‘ఆర్క్‌వీ మ్యూల్’ రోబోలో కంప్యూట్ బాక్స్‌ అనే భాగం ఉంటుంది. ఇది ఈ రోబోలో మెదడులా పనిచేస్తుంది.
- ఈ రోబోలోని బ్యాటరీని ఒకసారి ఛార్జ్ చేస్తే 20 గంటల పాటు నిరంతరాయంగా పనిచేస్తుంది.
- ఈ రోబో బరువు 51 కేజీలు. ఇది సెకనుకు 3 మీటర్ల వేగంతో నడుస్తుంది.
- ఈ రోబో 12 కేజీల బరువును మోయగలదు.
- చిన్నపాటి తుపాకులు, కెమెరాలు, డ్రోన్లను ఇది మోసుకెళ్లగలదు.
- ఇది మెట్లు ఎక్కగలవు. కొండప్రాంతాల్లో, బురద నేలల్లో నడవగలదు.
- మైనస్ 40 డిగ్రీల చలిలో, 55 డిగ్రీల ఎండల్లోనూ ఈ రోబో పనిచేయగలదు.
- ఈ రోబోలలో ఎన్‌విడియా జేవియర్ ప్రాసెసర్ ఉంటుంది.