ఇండియా పోస్ట్ గ్రామీణ డాక్ సేవక్.. రెండో మెరిట్ లిస్ట్ ఎప్పుడంటే?

India Post GDS Recruitment: ఇండియా పోస్ట్ గ్రామీణ డాక్ సేవక్ పదవులకు దరఖాస్తు చేసుకున్న అభ్యర్థులు రెండో మెరిట్ లిస్ట్ కోసం ఆసక్తిగా ఎదురుచూస్తున్నారు. మొదటి మెరిట్ లిస్ట్ 2026 మార్చి 6న విడుదలయింది. అభ్యర్థులు అధికారిక వెబ్‌సైట్ indiapost.gov.in ద్వారా తమ ఫలితాలను చూసుకున్నారు. మొదటి జాబితాలో పేరు లేని వారు రెండో జాబితా ఎప్పుడు వస్తుందా అని వేచి చూస్తున్నారు. అయితే రెండో మెరిట్ లిస్ట్ విడుదలపై తపాలా శాఖ ఇంకా అధికారిక తేదీని ప్రకటించలేదు.

India Post GDS రెండో మెరిట్ లిస్ట్ ఎప్పుడు?

మొదటి మెరిట్ లిస్ట్‌లో ఎంపికైన అభ్యర్థుల డాక్యుమెంట్ వెరిఫికేషన్ ప్రక్రియ పూర్తయింది. అధికారిక నోటీసు ప్రకారం.. అభ్యర్థులు 2026 మార్చి 23లోపు తమ పత్రాలను ధృవీకరించుకోవాల్సి ఉంది. ఇప్పుడు తపాలా శాఖ ఖాళీగా ఉన్న పోస్టులను సమీక్షించి, దాని ఆధారంగా రెండో మెరిట్ లిస్ట్‌ను విడుదల చేస్తుంది. డాక్యుమెంట్ వెరిఫికేషన్ సమయంలో కొందరు అభ్యర్థులు అవసరమైన పత్రాలను సమర్పించలేకపోవడం లేదా హాజరుకాకపోవడం వల్ల కొన్ని సీట్లు ఖాళీగా ఉంటాయి. గత రిక్రూట్‌మెంట్ ట్రెండ్స్ ప్రకారం.. మొదటి మెరిట్ లిస్ట్ వచ్చిన మూడు నుండి నాలుగు వారాల తర్వాత రెండో మెరిట్ లిస్ట్ విడుదలవుతుంది.

Also Read: మ‌రికాసేప‌ట్లో ల‌క్నో వ‌ర్సెస్ ఢిల్లీ మ్యాచ్‌.. పిచ్ రిపోర్ట్ ఇదే!

దీని ప్రకారం రెండో మెరిట్ లిస్ట్ 2026 ఏప్రిల్ ప్రారంభంలో లేదా చివరిలో వచ్చే అవకాశం ఉంది. గతంలో కొన్ని సందర్భాల్లో అన్ని పోస్టులు భర్తీ అయ్యే వరకు ఆరు లేదా ఏడు మెరిట్ లిస్టుల వరకు విడుదల చేశారు. దేశవ్యాప్తంగా 28,636 గ్రామీణ డాక్ సేవక్ పోస్టులను భర్తీ చేయడం ఈ రిక్రూట్‌మెంట్ లక్ష్యం. ఈ ఫలితాలు ప్రతి పోస్టల్ సర్కిల్‌కు స్టేట్ వైజ్ మెరిట్ లిస్ట్ PDF ఫార్మాట్‌లో విడుదల చేస్తారు.

ఎంపిక ప్రక్రియ ఎలా ఉంటుంది?

ఈ రిక్రూట్‌మెంట్ పూర్తిగా మెరిట్ ఆధారితంగా జరుగుతుంది. 10వ తరగతిలో వచ్చిన మార్కుల ఆధారంగా మెరిట్ లిస్ట్ రూపొందిస్తారు. దీని కోసం ఎలాంటి రాత పరీక్ష లేదా ఇంటర్వ్యూ ఉండదు. కనీస అర్హత 10వ తరగతి కావడంతో భారీ సంఖ్యలో అభ్యర్థులు దరఖాస్తు చేసుకున్నారు. ఎంపిక ప్రక్రియలో ఒక అభ్యర్థికి ఒక రిజిస్ట్రేషన్ మాత్రమే చెల్లుబాటు అవుతుంది.

ఎంపికైన అభ్యర్థులు ఏమి చేయాలి?

రెండో మెరిట్ లిస్ట్‌లో పేరు ఉన్న అభ్యర్థులు తమకు కేటాయించిన డివిజనల్ ఆఫీస్‌లో డాక్యుమెంట్ వెరిఫికేషన్ చేయించుకోవాలి. ఒరిజినల్ సర్టిఫికెట్లతో పాటు రెండు సెట్ల ఫోటోకాపీలను తీసుకెళ్లాలి. అవసరమైన పత్రాలలో 10వ తరగతి మార్క్ షీట్, ఐడీ కార్డ్, కుల ధృవీకరణ పత్రం (వర్తిస్తే), నివాస ధృవీకరణ పత్రం ఉండాలి. వెరిఫికేషన్ తర్వాత అభ్యర్థులకు మెడికల్ టెస్ట్ నిర్వహిస్తారు. ఆపై ఫైనల్ అపాయింట్‌మెంట్ లెటర్ జారీ చేస్తారు.