హరియాణాలో చోటుచేసుకున్న ADGP పూరన్ కుమార్ ఆత్మహత్య దేశవ్యాప్తంగా కులవివక్ష వ్యతిరేక చర్చలకు నాంది పలికింది. తెలుగువాడైన పూరన్ కుమార్, హరియాణా పోలీసు శాఖలో అత్యంత నిజాయితీ గల అధికారి అని సహచరులు చెబుతున్నారు. కానీ ఆయనపై ఉన్నతాధికారులు కులవివక్ష ప్రవర్తన చూపారని, నిరంతరం మానసికంగా వేధించారని ఆయన ఆత్మహత్యకు ముందు రాసిన 8 పేజీల లేఖలో స్పష్టమైంది. తన పట్ల విభాగంలో జరుగుతున్న అన్యాయాలు, కులపరమైన అవమానాలు, నకిలీ ఆరోపణలతో జీవితాన్ని నాశనం చేసేందుకు కుట్ర పన్నారని ఆయన పేర్కొన్నారు. తాను పోలీసు వ్యవస్థలో క్రమశిక్షణను కాపాడేందుకు ప్రయత్నించగా, అదే తనకు విరుద్ధంగా మారిందని ఆవేదన వ్యక్తం చేశారు.
Donate: దాన ధర్మాలు కుడి చేతితోనే ఎందుకు చేయాలి.. ఎడమ చేయి ఉపయోగిస్తే ఏమవుతుందో తెలుసా?
ఈ ఘటన కేవలం ఒక వ్యక్తి విషాదం కాదు అది భారతీయ ప్రభుత్వ వ్యవస్థలో ఇంకా వేరుకల్పించని కులవివక్ష ఎంత బలంగా నాటుకుపోయిందో చూపిస్తోంది. పూరన్ కుమార్ లాంటి సీనియర్ అధికారి కూడా కుల వివక్షను ఎదుర్కోవాల్సి వస్తే, దిగువ స్థాయి ఉద్యోగుల పరిస్థితి ఎలా ఉంటుందో అర్థం చేసుకోవచ్చు. ఆయనపై లంచం కేసు సృష్టించి ఇరికించడం, పదోన్నతులు అడ్డుకోవడం, సమావేశాల్లో అవమానించడం వంటి చర్యలు ఆయన మానసిక సమతుల్యతను దెబ్బతీశాయి. తన ధైర్యమైన నిబద్ధత, అవినీతి వ్యతిరేక ధోరణే చివరకు ఆయనకు శాపంగా మారింది. ఈ ఆత్మహత్య లేఖలో ఆయన రాసిన ప్రతి పదం వ్యవస్థలోని అన్యాయాలకు బలమైన మిర్రర్ లాగా నిలిచింది.
పూరన్ కుమార్ భార్య అమనీత్ IAS కూడా ఈ వ్యవహారంపై స్పందిస్తూ.. తన భర్తను కుట్ర పన్ని చంపేశారని తీవ్ర ఆరోపణలు చేశారు. ఆమె వాంగ్మూలం ప్రకారం, పూరన్ కుమార్ departmental complaints పెట్టిన తర్వాత ఆయనపై ప్రతీకారం తీర్చుకునే ప్రయత్నం జరిగిందని తెలుస్తోంది. ఇది కేవలం ఒక రాష్ట్రం సమస్య కాదు, దేశవ్యాప్తంగా ఉన్న అధికార వ్యవస్థలోని కులవివక్ష, అవినీతి, పరస్పర రాజకీయ స్వార్థాల నడుమ విలువల క్షీణతకు నిదర్శనం. ఒక తెలుగువాడైన ధైర్యవంతుడు, సత్యనిష్ఠ అధికారి ప్రాణాలు కోల్పోవడం కేవలం వ్యక్తిగత నష్టం కాదు. అది భారత పరిపాలనలోని సామాజిక అసమానతలపై పెద్ద ప్రశ్నార్థక చిహ్నం. పూరన్ కుమార్ ఘటనా విచారణ పారదర్శకంగా జరిగి, ఆయనకు న్యాయం జరిగేలా ప్రభుత్వం చర్యలు తీసుకోవాలని ప్రజలు కోరుతున్నారు.