కేంద్ర ప్రభుత్వ ఉద్యోగాలు కోరుకునే అభ్యర్థులకు శుభవార్త. (OIL Recruitment 2023)భారత ప్రభుత్వానికి చెందిన నవరత్న పబ్లిక్ సెక్టార్ కంపెనీలలో ఒకటైన ఆయిల్ ఇండియా లిమిటెడ్ (OIL) గ్రేడ్ 3, గ్రేడ్ 5, గ్రేడ్ 7 మొత్తం 187 పోస్టుల భర్తీకి నోటిఫికేషన్ విడుదల చేసింది. మార్చి 28న కంపెనీ విడుదల చేసిన ప్రకటన ప్రకారం (నం. HRAQ/REC-WP-B/2023-66 DATED 28/03/2023), గ్రేడ్ 3లో 134 పోస్టులు, గ్రేడ్ 5లో 43 పోస్టులు, గ్రేడ్ 7లో 10 పోస్టులు రిక్రూట్ చేయనున్నట్లు నోటిఫికేషన్ లో పేర్కొంది.
ఆసక్తి, అర్హత కలిగిన అభ్యర్థులు ఆయిల్ ఇండియా లిమిటెడ్ ద్వారా ప్రకటించిన పోస్ట్ల కోసం దరఖాస్తు చేయడానికి కంపెనీ అధికారిక వెబ్సైట్, oil-india.comని చెక్ చేయండి. కెరీర్ విభాగానికి వెళ్లి, అక్కడ సంబంధిత రిక్రూట్మెంట్ కోసం ఇచ్చిన దరఖాస్తు లింక్ ఆన్లైన్ అప్లికేషన్ పేజీకి వెళ్లి, ఇచ్చిన లింక్ నుండి రిక్రూట్మెంట్ నోటిఫికేషన్ PDFని డౌన్లోడ్ చేసుకోవచ్చు.
దరఖాస్తు ప్రక్రియలో భాగంగా, అభ్యర్థులు మొదట రిజిస్టర్ చేసుకోవాలి, ఆ తర్వాత నమోదు చేసిన వివరాలతో లాగిన్ చేయాలి. అభ్యర్థులు సంబంధిత గ్రేడ్ పోస్ట్ కోసం తమ దరఖాస్తును సమర్పించాలి. దరఖాస్తు సమయంలో అభ్యర్థులు ఆన్లైన్ ద్వారా రూ. 200 ఫీజు చెల్లించాల్సి ఉంటుంది. ఎస్సీ, ఎస్టీ, ఈడబ్ల్యూఎస్, దివ్యాంగుల అభ్యర్థులకు ఎలాంటి ఫీజు లేదు. దరఖాస్తును సమర్పించిన తర్వాత అభ్యర్థులు దాని సాఫ్ట్ కాపీని డౌన్లోడ్ చేసి సేవ్ చేసుకోవాలి.
ఆయిల్ ఇండియా లిమిటెడ్ ద్వారా గ్రేడ్ 3 రిక్రూట్మెంట్ కోసం దరఖాస్తు చేసుకోవడానికి, అభ్యర్థులు మ్యాథ్స్, ఫిజిక్స్, కెమిస్ట్రీ సబ్జెక్టులుగా 10+2 ఉత్తీర్ణులై ఉండాలి. అలాగే, అనేక ఇతర పోస్టులకు, ఖాళీకి సంబంధించిన ట్రేడ్ సర్టిఫికేట్ పొందాలి. అభ్యర్థుల వయస్సు 25 ఏప్రిల్ 2023 నాటికి 30 ఏళ్లు మించకూడదు. ఇతర గ్రేడ్ పోస్టుల కోసం రిక్రూట్మెంట్ నోటిఫికేషన్ చూడండి.