Salman Rushdie : ప్రముఖ రచయితపై న్యూయార్క్ లో దాడి…!!

Salman

ప్రముఖ రచయిత సల్మాన్ రష్దీపై న్యూయార్క్ లో దాడి జరిగింది. ముస్లిం ఛాందసవాదుల నుంచి ఆయన బెదిరింపులు ఎదుర్కొంటున్న నేపథ్యంలో ఈ దాడి జరిగింది. చౌటాక్వా విద్యాసంస్థలో ఆయన ప్రసంగించబోతుండగా…ఒక్కసారిగా వేదికపైకి దూసుకొచ్చిన ఆగంతకుడు దాడి చేశాడు. దాంతో సల్మాన్ రష్దీ కిందపడిపోయారు. ఈ ఘటన జరిగినప్పుడు అక్కడే ఉన్న అసోసియేటెడ్ ప్రెస్ రిపోర్టర్ దీనిపై స్పందించారు. ఆ వ్యక్తి వేదికపైకి వెళ్లి రష్దీపై పిడిగుద్దుల వర్షం కురిపించడమో, కత్తితో పొడవడమో చేసినట్లు వెల్లడించారు. ఈ ఘటన తర్వాత ఆ వ్యక్తని అక్కడున్నవారు పట్టుకున్నారని…రష్దీని హెలికాప్టర్ లో ఆసుపత్రికి తరలించినట్లు తెలిపారు.

ఇక 80వ దశకంలో సల్మాన్ రష్దీ రచించిన ద శాటానిక్ వర్సెస్ అనే పుస్తకం వివాదాస్పదం అయ్యింది. ఇస్లామిక్ ఛాందవాసదులను ఈ పుస్తకం తీవ్ర ఆగ్రహానికి గురి చేసింది. రష్దీని చంపినవారికి ఇరాన్ మూడు మిలియన్ డాలర్ల నజరాన కూడా ప్రకటించింది.