ఈ మధ్యకాలంలో చాలామంది ఎన్నో రకాల రోగాలతో సతమతమవుతున్నారు. కారణం మారుతున్న జీవనశైలి. చాలా మందికి రక్తంలో యూరిక్ స్థాయిలు పెరగడం వల్ల ఎన్నో రకాల సమస్యలు వస్తున్నాయి. మన శరీరంలో ఒక సేంద్రీయ సమ్మేళనం అయిన యూరిక్ ఆమ్లం రక్తప్రవాహంలో తిరుగుతూ మన శరీర జీవక్రియకు ఎంతగానో సహాయపడుతుంది. అయితే ఈ స్థాయిలు ఎక్కువైతే.. కిడ్నీల్లో రాళ్లు, ఆర్థరైటిస్ వంటి సమస్యలకు దారి తీస్తుంది. యూరిక్ స్థాయిలు నియంత్రణలో ఉండాలంటే ఎలాంటి జాగ్రత్తలు తీసుకోవాలో తెలుసుకుందాం.
డ్రైఫ్రూట్స్..
యూరిక్ స్థాయి నియంత్రణలో ఉండాలంటే రెగ్యులర్ డైట్లో డ్రైఫ్రూట్స్ తీసుకుంటే మంచి ఫలితం ఉంటుంది. బాదం పప్పు యూరిక్ స్థాయిని కంట్రోల్లో ఉంచేందుకు సహాయపడుతుంది. ప్రతిరోజూ నాలుగు లేదా ఐదు బాదం పప్పులను తినడం మంచిది.
బాదం పప్పు..
బాదం పప్పులో కాల్షియం, ఫైబర్, మెగ్నీషియం, జింక్, విటమిన్ కే… పుష్కలంగా ఉంటాయి. ఇవి కీళ్ల నొప్పులు, వాపుల నుంచి ఉపశమనాన్ని కలిగిస్తాయి.
జీడిపప్పు…
ఇక జీడిపప్పులో పొటాషియం, విటమిన్ సి, ఫైబర్ మెండుగా ఉంటాయి. ఇవి యూరిక్ స్థాయిని తగ్గించడంలో సహాయపడతాయి. బ్యాడ్ కొలెస్ట్రాల్ను తగ్గించి మంచి కొలెస్ట్రాల్ను పెంచడంలో కూడా సాయపడతాయి. నొప్పులు ఉన్నవారు ప్రతిరోజూ ఐదు జీడిపప్పులను తినడం మంచిది.
వాల్ నట్స్..
వాల్ నట్స్ను సూపర్ ఫుడ్ అంటుంటారు. వీటిలో ఒమేగా-3 ఆమ్లాలు, యాంటీ ఆక్సిడెంట్స్, యాంటీ ఇన్ఫ్లమేటరీ గుణాలు ఉండటం వల్ల శరీరం నుంచి యూరిక్ యాసిడ్ను బయటకు పంపడంలో సహాయపడతాయి. రోజుకు రెండు వాల్ నట్స్ తింటే మంచి ఫలితం ఉంటుంది. వాల్ నట్స్ కాస్త ధర ఎక్కువైనా, దానికి తగ్గ ఫలితం ఉంటుంది.
అవిసె గింజలు…
ఇవి శరీరంలో యూరిక్ స్థాయిలను తగ్గించడంలో సహాయపడతాయి. అవిసె గింజలలో శరీరం స్వయంగా ఉత్పత్తి చేయలేని ముఖ్యమైన కొవ్వు ఆమ్లాలు ఉన్నాయి. వీటిలోని యాంటీ ఇన్ఫ్లమేటరీ లక్షణాలు అధిక యూరిక్ స్థాయిల వల్ల కలిగే నొప్పిని తగ్గిస్తాయి.