అందంగా, యవ్వనంగా కనిపించాలని ప్రతి ఒక్కరు కోరుకుంటారు. చర్మం (Skin ) ఆరోగ్యంగా మెరిసిపోవాలంటే, వృద్ధాప్యం ఆలస్యమవాలంటే సరైన ఆహారపు అలవాట్లు ఏర్పరచుకోవడం ఎంతో ముఖ్యము. ఈ విషయంలో కొల్లాజెన్ (Collagen) ఎంతో కీలకమైన పాత్ర పోషిస్తుంది. కొల్లాజెన్ చర్మానికి నిగారింపు, మృదుత్వాన్ని అందించడమే కాకుండా, వృద్ధాప్య లక్షణాలను తగ్గించడంలో సహాయపడుతుంది. చాలా మంది చర్మ సంరక్షణ ఉత్పత్తులను వాడుతూ ఉంటారు, కానీ కొల్లాజెన్ సమృద్ధిగా ఉండే ఆహారాన్ని తీసుకోవడం సహజసిద్ధమైన మార్గం.
కొల్లాజెన్ పెంపొందించే ముఖ్యమైన ఆహారాలు
కొల్లాజెన్ పుష్కలంగా పొందేందుకు పలు ఆరోగ్యకరమైన ఆహారాలను మన భోజనంలో చేర్చుకోవాలి. అవకాడో పండ్లు విటమిన్ E, యాంటీ ఆక్సిడెంట్లు, జింక్ సమృద్ధిగా కలిగి ఉంటాయి. ఇవి చర్మాన్ని ఆరోగ్యంగా ఉంచడంతో పాటు, కొల్లాజెన్ విచ్ఛిన్నతను అడ్డుకుంటాయి. అలాగే బాదంపప్పు, వాల్నట్, జీడిపప్పు, అవిసె గింజలు లాంటి డ్రై ఫ్రూట్స్ ఫ్రీ రాడికల్స్ను నియంత్రించి, చర్మాన్ని ముడతలు రానివ్వకుండా కాపాడతాయి. బ్రోకలీ, బచ్చలి కూర వంటి ఆకుకూరల్లో అధికంగా ఉండే క్లోరోఫిల్ కూడా కొల్లాజెన్ ఉత్పత్తికి ఎంతో మేలు చేస్తుంది.
America : ఆర్థికమాంద్యం ముప్పులో అమెరికా!
సిట్రస్ పండ్లు, టమాటాలు – కొల్లాజెన్ పెంపొందించడంలో కీలకం
సిట్రస్ పండ్లు అంటే నిమ్మ, నారింజ, ద్రాక్ష వంటి పండ్లలో విటమిన్ C అధికంగా ఉంటుంది. ఈ విటమిన్ ప్రో-కొల్లాజెన్ ఉత్పత్తికి చాలా అవసరం. శరీరంలో కొల్లాజెన్ గ్రహించే సామర్థ్యాన్ని పెంచే సహజ పదార్థం విటమిన్ C. టమాటాల్లో కూడా విటమిన్ C సమృద్ధిగా లభిస్తుంది, ఇది చర్మాన్ని ఫ్రీ రాడికల్స్ ప్రభావం నుంచి రక్షించడమే కాకుండా కొల్లాజెన్ ఉత్పత్తిని ప్రోత్సహిస్తుంది.
కోడిగుడ్లు – సహజ కొల్లాజెన్ అందించే శక్తివంతమైన ఆహారం
కోడిగుడ్లు కొల్లాజెన్ ఉత్పత్తిని పెంచే ముఖ్యమైన పోషకాలైన సల్ఫర్, ప్రోలిన్ను కలిగి ఉంటాయి. ఇవి చర్మ ఆరోగ్యాన్ని మెరుగుపరిచేలా సహాయపడతాయి. తగినంత కొల్లాజెన్ ఉత్పత్తి వల్ల చర్మం సహజంగా మెరిసిపోతుంది, మృదుత్వాన్ని పొందుతుంది. అటుపై, వృద్ధాప్య లక్షణాలు ఆలస్యమవుతాయి. కాబట్టి, సహజసిద్ధమైన, కొల్లాజెన్ అధికంగా ఉండే ఆహారాలను మన నిత్య జీవనంలో భాగం చేసుకుంటే, తక్కువ ఖర్చుతో, ఎలాంటి రసాయనాలు ఉపయోగించకుండానే అందాన్ని, యవ్వనాన్ని కాపాడుకోవచ్చు.