లివర్ అనేది శరీరంలో చాలా ముఖ్యమైన అవయవం. ఇది ఆరోగ్యంగా ఉండకపోతే ఆ ఎఫెక్ట్ మిగతా భాగాలపై పడుతుంది. కాబట్టి లివర్ విషయంలో జాగ్రత్తలు తీసుకోవాలి. లేకపోతే ఏదో ఓ సమస్య వస్తుంది. లివర్‌కి సమస్య వచ్చినప్పుడు కొన్ని లక్షణాలు కనిపిస్తాయి. వాటి గురించి ఇప్పుడు తెలుసుకుందాం..
* అలసిపోవడం
పని చేసినా లేక చేయక పోయినా కొంత సమయానికి నీరసంగా మరియు అలసటగా ఉండడం.
* బరువు తగ్గిపోవడం
ఎలాంటి కారణం లేకుండా బరువు తగ్గడం. నిజానికి ఎందుకు బరువు తగ్గామో తెలియదు. లివర్‌కు సంబంధించిన వ్యాధి వచ్చినప్పుడు చాలా శాతం మంది బరువు తగ్గుతారు.
* పాదాలు పొంగిపోవడం
కాళ్ల కింద భాగంలో, పాదాలలో వాపు కలగడం కూడా ఒక లక్షణమే.
* పొత్తి కడుపు లో వాపు
పాదాలు పొంగిపోవడంతో పాటుగా పొత్తి కడుపు భాగం లో కూడా వాపు కలుగుతుంది.
* ఆకలి తగ్గి పోవడం
ఎప్పుడైతే లివర్ కు సంబంధించిన సమస్య వచ్చిందో అప్పుడు ఆకలి తగ్గి పోతుంది. ఎలాంటి ఆహారాన్ని తినాలి అని అనిపించదు.
* దాహం
దాహం పెరుగుతుంది, ఎన్ని మంచి నీరు తాగిన సరే దాహం తీరినట్టు ఉండదు. గొంతు ఆరిపోయినట్టు అనిపిస్తుంది.
* వాంతులు
వాంతులు అవడంతో పాటు వాంతులు అయ్యేటప్పుడు రక్తం కూడా వస్తుంది. కొంత మందిలో దీంతో పాటుగా మలవిసర్జన సమయంలో కూడా రక్తం వస్తుంది.
కళ్ళు పసుపు రంగులోకి మారడం :
లివర్ కు సంబంధించిన వ్యాధుల వల్ల కళ్ళు రంగు పసుపు రంగులోకి మారుతుంది. అంతే కాకుండా చర్మం కూడా పొడిబారుతుంది. దాంతో పాటుగా చర్మ ఆరోగ్యం దెబ్బ తింటుంది.
* నిద్రమత్తు
రోజంతా ఎంతో నీరసంగా నిద్ర వస్తున్నట్టు ఉంటుంది. ఉత్సాహంగా అసలు పని చేయలేరు అలా ఉండడానికి కేవలం నిద్ర మత్తు కారణం.
* ఏ ఆర్ ఎల్ డి కాంప్లికేషన్స్
ఏ ఆర్ ఎల్ ఈ సమస్య వస్తే ఎన్నో రకాల తీవ్రమైన కాంప్లికేషన్స్ ఉంటాయి. అవి ఏమిటి అంటే పోర్టల్ హైపర్ టెన్షన్, వెరైసిస్, అసిటిస్ మరియు హెపాటిక్ ఎన్సెఫలోపతి.
* జాయింట్స్‌లో నొప్పులు
లివర్ డ్యామేజ్ అయ్యే ముందు జాయింట్స్‌లో నొప్పులు వస్తాయి. మోకాళ్ళ నొప్పులు ఎక్కువగా ఉంటాయట.. ఆర్థరైటిస్, కాలేయ సమస్యలకి సంబంధం ఉంటుందని నిపుణులు చెబుతున్నారు.
లివర్ దెబ్బతింటే ఏమవుతుంది?
* లివర్ ప్రక్రియ దెబ్బ తినడం వల్ల లివర్ ఆరోగ్యం చెడిపోతుంది దానితో పాటుగా ఎన్నో రకాల సమస్యలు తలెత్తుతాయి.
* అవి ఏమిటి అంటే ఆటో ఇమ్యూన్ డిసీజ్, లివర్‌లో కొవ్వు చేరిపోవడం మరియు టైప్ 2 డయాబెటిస్ వంటి మొదలైన సమస్యలు తలెత్తుతాయి.
* లివర్‌కి ఏదైనా సమస్య ఉన్నప్పుడు హార్మోన్ల అసమతుల్యత సమస్య ఏర్పడుతుందట. కాబట్టి ఈ విషయంలో కచ్చితంగా జాగ్రత్త తీసుకోవాలి.
* లివర్ సమస్యలు వచ్చే ముందు కచ్చితంగా శరీరంలో హార్మోన్లు పెరుగుతాయి. కాబట్టి హార్మోన్ల సమస్యలు ఎదుర్కొంటారని నిపుణులు చెబుతున్నారు నిపుణులు.
* హార్మోన్ల సమస్యల వల్ల అలసట, నీరసం, మొటిమలు ఇలాంటివన్నీ ఒకదాని తర్వాత ఒకటిగా వస్తుంటాయి. కొంతమందిలో జుట్టు రాలుతుంది.
* లివర్ సమస్యలు ఉన్నప్పుడు ఏం తిన్నా అరగకపోవడం, ఆకలి లేకపోవడం, కడుపు ఉబ్బరం వంటి సమస్యలు ఉంటాయి.
* లివర్ సమస్యలు వస్తే ఆ ఎఫెక్ట్ మన మానసిక స్థితిపై కూడా ప్రభావం చూపుతుందని,యాంగ్జైటీ, డిప్రెషన్ వంటివి రావచ్చని నిపుణులు చెబుతున్నారు.