Megastar Chiranjeevi : చిరంజీవి కోసం యువ దర్శకుడి కథ రెడీ.. కానీ మెగా బాస్ ఒప్పుకుంటాడా..?

After Viswambhara Chiranjeevi Movie with Director Harish Shankar

మెగాస్టార్ చిరంజీవి (Megastar Chiranjeevi) ప్రస్తుతం విశ్వంభర సినిమా చేస్తుండగా యువ దర్శకులతో కలిసి పనిచేయాలని అనుకుంటున్నట్టు తెలుస్తుంది. రీమేక్ లు ఇచ్చిన షాకుల వల్ల వాటి జోలికి వెళ్లకూడదని ఫిక్స్ అయిన చిరు యంగ్ రైటర్స్, డైరెక్టర్స్ తో పనిచేయాలని చూస్తున్నారు. వశిష్టతో విశ్వంభర పూర్తి చేసే లోగా మరో సినిమా సెట్స్ మీదకు తీసుకు రావాలని ఫిక్స్ అయ్యారు.

ఈ క్రమంలో చిరు కోసం ఒక కథ రెడీ అంటున్నాడు డైరెక్టర్ వి ఐ ఆనంద్. టైగర్, ఎక్కడికి పోతావు చిన్నవాడా సినిమాలతో సత్తా చాటిన వి ఐ ఆనంద్ లేటెస్ట్ గా సందీప్ కిషన్ తో ఊరుపేరు భైరవ కోన సినిమా చేశాడు. ఆ సినిమా ఈ శుక్రవారం ప్రేక్షకుల ముందుకు వస్తుంది. ఈ సినిమా ప్రమోషన్స్ లో చిరు కోసం ఒక కథ ఉన్నట్టు చెప్పాడు.

అంతేకాదు అనీల్ సుంకరతో కలిసి ఆ కథ డిస్కస్ చేయగా త్వరలో చిరు కి ఈ కథ వినిపించే ప్లాన్ చేస్తానని చెప్పాడట. వి ఐ ఆనంద్ కథ నచ్చితే చిరు తప్పకుండా అతనికి గ్రీన్ సిగ్నల్ ఇచ్చే అవకాశం ఉందని చెప్పొచ్చు. వి ఐ ఆనంద్ ఇదివరకు కూడా అల్లు అర్జున్ తో పనిచేయాల్సి ఉన్నా కొన్ని కారణాల వల్ల అది కుదరలేదు.

కానీ ఎప్పటికైనా బన్నీతో సినిమా చేస్తానని చెబుతున్న ఆనంద్ చిరు సినిమా కథ ఓకే చేసుకుని ఆ సినిమా ముందు లైన్ లో పెట్టాలని చూస్తున్నాడు. మరి చిరు సినిమా ఓకే ఐతే మాత్రం వి ఐ ఆనంద్ దశ తిరిగినట్టే అని చెప్పొచ్చు.