Trivikram సంక్రాంతికి గుంటూరు కారం తో ప్రేక్షకుల ముందుకు వచ్చిన త్రివిక్రం ఆ సినిమాలో తన మార్క్ మిస్ అయ్యిందన్న ఫ్యాన్స్ కామెంట్స్ ని పట్టించుకున్నాడో లేదో తెలియదు కానీ తన నెక్స్ట్ సినిమా విషయంలో మాత్రం తన నిర్ణయం మార్చుకున్నట్టు తెలుస్తుంది. మహేష్ గుంటూరు కారం తర్వాత అల్లు అర్జున్ తో సినిమా ఫిక్స్ చేసుకున్నారు త్రివిక్రం. ఈ సినిమా ప్రకటన కూడా వచ్చింది. జులాయి, సన్నాఫ్ సత్యమూర్తి, అల వైకుంఠపురములో మూడు సినిమాలు హ్యాట్రిక్ హిట్లతో ఈ కాంబో రేంజ్ వేరే లెవెల్ అనిపించేశారు. అల్లు అర్జున్ లోని నటనా ప్రతిభను వెలికితీసిన వారిలో త్రివిక్రం ఒకరు.
We’re now on WhatsApp : Click to Join
ఇక పుష్ప తర్వాత అల్లు అర్జున్ తో సినిమా అంటే ఆ ప్రెజర్ ఏ రేంజ్ లో ఉంటుందో తెలిసిందే. అయినా కూడా తను నెక్స్ట్ సినిమా త్రివిక్రం తోనే చేయాలని ఫిక్స్ అయ్యాడు అల్లు అర్జున్. అలా వారి కాంబోలో అనౌన్స్ మెంట్ వచ్చింది. అయితే ఈ సినిమా అవ్వాలంటే త్రివిక్రం ఈ ఏడాది చివరి దాకా వెయిట్ చేయాల్సిందే. ఈలోగా వేరే సినిమా చేస్తే ఎలా ఉంటుందన్న ఆలోచన వచ్చింది. తన డైరెక్షన్ లో సినిమా చేయాలని ఉన్న హీరోల లిస్ట్ చూస్తే ఇద్దరు ముగ్గురు హీరోలు ఉన్నారని తెలిసింది.
అందుకే ఆ ముగ్గిర్లో ఒకరితో త్రివిక్రం సినిమా చేయాలని ఫిక్స్ అయ్యారట. ఇంతకీ ఆ ఒక్కడు ఎవరు అంటే ఎనర్జిటిక్ స్టార్ రామ్ అని తెలుస్తుంది. రామ్ తో త్రివిక్రం ఈ కాంబో కొన్నాళ్లుగా చర్చల్లో ఉంది. స్రవంతి రవికిశోర్ అంటే త్రివిక్రం కి చెప్పలేనంత అభిమానం. త్రివిక్రం కి మొదటి అవకాశం ఇచ్చిన ఆ బ్యానర్ లో సినిమా అన్నా.. ఆ బ్యానర్ కు సంబంధం ఉన్న రామ్ తో సినిమా చేయాలని అనుకుంటున్నాడు త్రివిక్రం.
Also Read : Akkineni Akhil : సలార్ 2 లో అఖిల్.. ఆ సింబాలిక్ గానే అక్కడ కనిపించాడా..?
అయితే రామ్ తో త్రివిక్రం ఎలాంటి సినిమా వస్తుంది. ఈ కాంబో ఎలాంటి కథ చేస్తారన్నది తెలియాల్సి ఉంది. రామ్ ప్రస్తుతం డబుల్ ఇస్మార్ట్ సినిమా చేస్తున్నాడు. ఈ సినిమా తర్వాత త్రివిక్రం సినిమా ఉండే ఛాన్స్ ఉంది. డబుల్ ఇస్మార్ట్ పూర్తిగా మాస్ సినిమా అయితే త్రివిక్రం సినిమా పక్కా క్లాస్ గా ఉంటుంది. మరి అల్లు అర్జున్ సినిమా తర్వాత రామ్ తో చేస్తాడా లేదా రామ్ సినిమా పూర్తి చేశాక అల్లు అర్జున్ సినిమా చేస్తాడా అన్నది త్రివిక్రం క్లారిటీ ఇవ్వాల్సి ఉంది.