Thandel First Look : చైతు ‘‘తండేల్’ ‘ లుక్ అదిరింది

వరుస ప్లాప్స్ తో ఇబ్బంది పడుతున్న అక్కినేని నాగ చైతన్య (Naga Chaitanya)..ప్రస్తుతం ఆశలన్నీ తన 23 (#NC23 Thandel ) వ చిత్రం పైనే పెట్టుకున్నాడు. సవ్యసాచి , ప్రేమమ్ చిత్రాల డైరెక్టర్ చందూ మొండేటి (Chandoo Mondeti) డైరెక్షన్లో మరోసారి చైతు నటిస్తున్నాడు. గీత ఆర్ట్స్ బ్యానర్ లో #NC23 గా తెరకెక్కబోయే ఈ చిత్రంలో సాయి పల్లవి (Sai Pallavi) హీరోయిన్ గా నటిస్తుంది. 2018లో జరిగిన నిజ జీవిత కథ ఆధారంగా తెరకెక్కుతున్న ఈ సినిమా తాలూకా ఫస్ట్ లుక్ ను మేకర్స్ బుధువారం రిలీజ్ చేసారు.

We’re now on WhatsApp. Click to Join.

ఈ సినిమాకు ‘తండేల్’ (Thandel ) అనే టైటిల్ ను ఫిక్స్ చేస్తూ ఫస్ట్ లుక్ ను రిలీజ్ చేసారు. ఈ ఫస్ట్ లుక్ లో చైతు సముద్రంలో పడవలో కూర్చొని సీరియస్ లుక్ లో కనిపిస్తున్నాడు. ఫుల్ గడ్డంతో, ఫుల్ జుట్టుతో మాస్ లుక్ లో దర్శనం ఇచ్చాడు. ఈ లుక్ చూసి ఫ్యాన్స్ తెగ సంబరాలు చేసుకుంటున్నారు. ఈ సినిమా తో చైతు హిట్ కొట్టడం పక్క అంటున్నారు. ఈ సినిమాలో నాగ్ చైతన్య సిక్స్ ప్యాక్ కూడా చూపించబోతున్నట్టు పోస్టర్ చూస్తుంటే అర్ధం అవుతుంది. 2018లో గుజరాత్ నుండి 21 మంది మత్స్యకారులు వేటకెళ్లి అనుకోకుండా పాకిస్తాన్ కోస్ట్ గార్డ్‌ చెరలో చిక్కుకోగా అందులో ఉన్న ఓ ఆంద్ర మత్స్యకారుడు కథ ఆధారంగా ఈ సినిమా తెరకెక్కబోతున్నట్టు ఇటీవల నిర్మాతలు తెలిపారు. ఇక ఈ చిత్రానికి దేవి శ్రీ మ్యూజిక్ అందిస్తున్నారు. ప్రస్తుతం ఈ మూవీ షూటింగ్ శరవేగంగా జరుపుకుంటుంది.

Read Also : Visakhapatnam: ఏపీలో తప్పిన పెను ప్రమాదం