Rashmika Mandanna కన్నడ భామ రష్మిక మందన్న మొన్నటిదాకా టాలీవుడ్ లో సూపర్ ఫాం కొనసాగించగా ఇప్పుడు బాలీవుడ్ లో కూడా దూసుకెళ్తుంది. అమ్మడు చేస్తున్న సినిమాలు సూపర్ హిట్లు అవుతుండటంతో అమ్మడి డిమాండ్ రోజు రోజుకి పెరుగుతుంది. బాలీవుడ్ లో మొదటి రెండు సినిమాలు సోసోగా ఆడినా రీసెంట్ గా రిలీజైన యానిమల్ సినిమా బ్లాక్ బస్టర్ హిట్ అందుకుంది. సందీప్ వంగ డైరెక్షన్ లో తెరకెక్కిన యానిమల్ సినిమాలో రణ్ బీర్ కపూర్ కి జోడీగా నటించిన రష్మిక సినిమాలో ఆమె పర్ఫార్మెన్స్ తో అలరించింది.
యానిమల్ హిట్ తో బాలీవుడ్ లో రష్మిక క్రేజ్ డబుల్ అయ్యింది. ఇక ఈ సినిమా హిట్ తో రష్మిక రెమ్యునరేషన్ కూడా పెంచుకుందని తెలుస్తుంది. మొన్నటిదాకా సినిమాకు 2, 3 కోట్ల దాకా పారితోషికం అందుకున్న అమ్మడు ఇక మీదట 4 కోట్లు ఇస్తేనే చేస్తానని అంటుందట.
యానిమల్ హిట్ అమ్మడికి బాగా కలిసి వచ్చిందని చెప్పొచ్చు. అందుకే అమ్మడికి రెమ్యునరేషన్ ఎంత పెంచినా సరే దర్శక నిర్మాతలు ఓకే అనేస్తున్నారు. యానిమల్ తర్వాత పుష్ప 2 తో మరోసారి పాన్ ఇండియా వైడ్ గా తన సత్తా చాటనుంది రష్మిక. యానిమల్, పుష్ప ఈ రెండు సినిమాల వల్ల రష్మిక రేంజ్ మరింత పెరిగిందని చెప్పొచ్చు.
బాలీవుడ్ లో బిజీ అవుతున్న ఈ టైం లో టాలీవుడ్ నుంచి ఆఫర్లు వస్తున్నా కూడా రష్మిక అంతగా ఆసక్తి చూపించట్లేదని తెలుస్తుంది. ప్రస్తుతం రష్మిక ది గర్ల్ ఫ్రెండ్, రెయిన్ బో సినిమాలు చేస్తున్నాడు. తప్పకుండా ఈ సినిమాలతో అమ్మడి రేంజ్ మరింత పెరిగే ఛాన్స్ ఉందని చెప్పొచ్చు.