Anant Ambani-Radhika Merchant : అంబానీ ఇంట పెళ్లి వేడుకలో సందడి చేసిన రామ్ చరణ్

అంబానీ ఇంట‌ సంబ‌రాలు అంబురాన్ని తాకుతున్నాయి. ఇండియాలో ఏ పారిశ్రామిక వేత్త‌కు సాధ్యం కాని రేంజ్ లో వేడుక‌లు అంబానీ ఇంట జరుగుతున్నాయి. గుజరాత్‌ (Gujarat) రాష్ట్రంలోని జామ్‌నగర్‌ (Jamnagar)లో లో అనంత్‌ అంబానీ (Anant Ambani ) – రాధిక మర్చంట్‌ (Radhika Merchant)ల ప్రీ వెడ్డింగ్‌ వేడుక జామ్‌ నగర్‌లో ఘనంగా జరుగుతున్నాయి. ఈ నేపథ్యంలో అతిథులు ఒక్కొక్కరుగా జామ్‌నగర్‌ చేరుకుంటున్నారు. వరల్డ్ టాప్ పాప్ సింగర్ రిహన్న, ఫేస్‌బుక్ సీఈఓ మార్క్ జూకర్‌బర్గ్.. లాంటి ఎంతోమందో ఊహించని అతిధులు ఈ ఈవెంట్ కి హాజరయ్యారు.

We’re now on WhatsApp. Click to Join.

అలాగే రామ్ చరణ్ తన భార్య ఉపాసనతో కలిసి ఈ వేడుకకు హాజరయ్యారు. ఈవెంట్ వేదిక లోపలికి వెళ్లేముందు మీడియాకు చరణ్ – ఉపాసన పోజులు ఇస్తుండగా అక్కడ మీడియా, అభిమానులు చరణ్ ని చూసిన ఆనందంతో జై శ్రీరామ్ అని నినాదాలు చేశారు. RRR సినిమాలో క్లైమాక్స్ లో రామ్ చరణ్ శ్రీ రాముడి లుక్ లో కనిపించిన సంగతి తెలిసిందే. దీంతో నార్త్ లో ఆ లుక్ బాగా వైరల్ అవ్వడం, చరణ్ కి ఫ్యాన్ ఫాలోయింగ్ ఏర్పడటం తెలిసిందే. ఇప్పుడు చరణ్ ని చూడగానే జై శ్రీరామ్ అని అక్కడి ప్రజలు అరుస్తున్న వీడియో వైరల్ గా మారింది.

ఈ వేడుకకు సచిన్ టెండూల్కర్ తన భార్య అంజలి, కుమార్తె సారాతో కలిసి వచ్చారు. టీమిండియా మాజీ కెప్టెన్ మహేంద్ర సింగ్ ధోనీ, అతని భార్య సాక్షి , జహీర్ ఖాన్ , అతని భార్య సాగరిక ఘట్గే, టీమిండియా కెప్టెన్ రోహిత్ శర్మ తన భార్య రితికా సజ్దేతో కలిసి హాజరయ్యారు. వీరితో పాటు అనేక మంది స్టార్ క్రికెటర్లు హాజరై సందడి చేస్తున్నారు. అంబానీ ఇంట పెళ్లి సందడి అంటే పోకుంటే ఎలా అంటూ ఆహ్వానం అందిన వారంతా హాజరు అవుతున్నారు. ఈ పెళ్లి కోసం అంబానీ ఎన్నికోట్లు కేటాయిస్తున్నారంటే అక్ష‌రాలా 1000 కోట్లు అని తెలిసింది. అంటే ముకేష్ అంబానీ సంప‌ద‌లో పెళ్లి ఖ‌ర్చు 0.1 శాతం మాత్ర‌మ‌ని తెలుస్తుంది. ప్ర‌స్తుతం జ‌రుగుతోన్న మూడు రోజులు ప్రీ వెడ్డింగ్ వేడుక -పెళ్లికి కి కేటాయించిన బ‌డ్జెట్ అది అని తెలుస్తోంది. ఇంకా పెళ్లి వ‌స్త్రాలు ..షాపింగ్ ఖ‌ర్చులు కోట్ల‌లో ఉంద‌ని అంటున్నారు.

Read Also : YS Sharmila : ప్రత్యేక హోదాపై కాంగ్రెస్ డిక్లరేషన్ విడుదల