SSMB29 : మహేష్ బర్త్ డేకి రాజమౌళి మూవీ అప్డేట్ రాబోతోందా..?

SSMB29 : టాలీవుడ్ లో తెరకెక్కబోతున్న బిగ్గెస్ట్ కాంబినేషన్ మూవీ SSMB29. సూపర్ స్టార్ మహేష్ బాబుతో దర్శకధీరుడు రాజమౌళి సినిమా అనౌన్స్ చేయడంతోనే ఎన్నో అంచనాలు క్రియేట్ అయ్యాయి. కేవలం రీజినల్ సినిమాలతోనే రికార్డులు క్రియేట్ చేసే మహేష్ బాబు, గ్లోబల్ సినిమాలు చేసే రాజమౌళితో జత కడుతున్నాడంటే.. ఇక బాక్స్ ఆఫీస్ బద్దలవ్వడానికి ముహూర్తం ఫిక్స్ అయ్యినట్లే. దీంతో మహేష్ అభిమానులతో పాటు టాలీవుడ్ ఆడియన్స్ సైతం.. ఎప్పుడెప్పుడు ఈ సినిమా స్టార్ట్ అవుతుందా అని ఎదురు చూస్తున్నారు.

అయితే ఈ మూవీని ఇప్పటివరకు లాంచ్ చేయలేదు. కనీసం ప్రొడ్యూసర్ నుంచి అఫీషియల్ అనౌన్స్‌మెంట్ ని కూడా ఇవ్వలేదు. ఫిలిం వర్గాల్లో మాత్రం.. ఇదిగో అనౌన్స్‌మెంట్, అదిగో అనౌన్స్‌మెంట్ అంటూ రూమర్స్ వినిపిస్తున్నాయి. కాగా వచ్చే నెలలో మహేష్ బాబు పుట్టినరోజు ఉన్న సంగతి తెలిసిందే. ప్రతి పుట్టినరోజుకి మహేష్ సినిమాల నుంచి ఏదొక చిన్న అప్డేట్ అయినా వస్తుంది. దీంతో SSMB29 నుంచి కూడా అప్డేట్ వస్తుందేమో అని ఫ్యాన్స్ ఆశ పడుతున్నారు. అయితే ఫిలిం వర్గాల్లో వినిపిస్తున్న వార్త ఏంటంటే.. నో అప్డేట్.

అవును, ఆగష్టు 9న SSMB29 నుంచి ఎటువంటి బర్త్ డే గిఫ్ట్ లేదని సమాచారం. రాజమౌళి పర్ఫెక్షన్ గురించి అందరికి తెలిసిందే. అన్ని పక్కాగా సమకూర్చుకున్న తరువాతే.. ఆడియన్స్ కి తెలియజేస్తారు. ఈక్రమంలోనే మహేష్ మూవీ విషయంలో కూడా ఫాలో అవుతున్నారు. ప్రస్తుతం ఈ మూవీ ప్రీ ప్రొడక్షన్ వర్క్స్ జరుగుతున్నాయి. దర్శకుడు మరియు హీరో ప్రీ విజువలైజేషన్ పై పని చేస్తున్నారని టాక్ వినిపిస్తుంది. మరి ఈ చిత్రాన్ని ఎప్పుడు లాంచ్ చేసి, ఎప్పుడు షూటింగ్ పూర్తి చేసి ఆడియన్స్ ముందుకు తీసుకు వస్తారో చూడాలి.