Prabhas Kalki : కొన్ని సినిమాలు థియేటర్ లోనే చూడాలి.. బాస్..!

Kalki 2898 Ad

Prabhas Kalki ప్రభాస్, నాగ్ అశ్విన్ కాంబినేషన్ లో వచ్చిన క్రేజీ మూవీ కల్కి 2898 ఏడి. ప్రభాస్ తో పాటుగా ఈ సినిమాలో అమితాబ్ బచ్చన్, కమల్ హాసన్, దీపిక పదుకొనె లాంటి స్టార్స్ నటించారు. ప్రేక్షకులకు ఒక కొత్త సినిమాటిక్ ఎక్స్ పీరియన్స్ అందించేందుకు నాగ్ అశ్విన్ చేసిన కృషి సినిమా చూసిన ప్రతి ఒక్క ఆడియన్ తెలుసుకున్నాడు. అంతేకాదు సినిమా చూసిన సినీ అభిమానులంతా నాగ్ అశ్విన్ కు హ్యాట్సాఫ్ చెప్పేస్తున్నారు.

ఐతే పెరిగిన టికెట్ల రేట్ల ప్రకారం ఒక కామన్ మ్యాన్ థియేటర్ కి వెళ్లి సినిమా చూడలేని పరిస్థితి ఉంది. కానీ కల్కి లాంటి సినిమా చూడటం వల్ల పెట్టిన టికెట్ ధరకు కూడా న్యాయం జరుగుతుంది. అంతేకాదు ఓటీటీలో సినిమాలు చూడటం అలవాటైన ఆడియన్స్ కు కొన్ని సినిమాలు కచ్చితంగా థియేటర్ లో చూడాలి అనిపిస్తాయి. అలాంటి సినిమానే కల్కి.

కల్కి టాక్ బాగుంది.. ఆ ఏముంది నెల రెండు నెలల్లో ఓటీటీ రిలీజ్ ఉంటుంది కదా అనుకోవచ్చు. ఓటీటీ ఎక్స్ పీరియన్స్ వేరు థియేటర్ ఎక్స్ పీరియన్స్ వేరు. మిగతా అన్ని సినిమాలు ఏమో కానీ కల్కి లాంటి విజువల్ గ్రాండియర్ ఉన్న సినిమాలను తప్పకుండా థియేటర్ లోనే చూడాలి. కల్కి చూసిన ప్రతి ఒక్కరు కచ్చితంగా చూడాలని చెబుతున్నారు అంటే వాళ్లు ఆ ఎక్స్ పీరియన్స్ పొందారు కాబట్టే అలా వారి అనుభూతిని చెబుతున్నారు.