Peddi Special Song: రామ్ చరణ్ హీరోగా నటిస్తున్న పెద్ది సినిమాలో స్పెషల్ డ్యాన్స్ నంబర్ గురించి నెలకొన్న ఉత్కంఠకు తెరపడింది. ఈ భారీ సాంగ్లో మెగా పవర్ స్టార్తో కలిసి ఆకట్టుకోవడానికి నటి శృతి హాసన్ ఖరారైనట్లు వార్తలు వస్తున్నాయి. ఈ అప్డేట్ ఇప్పుడు ఫిల్మ్ నగర్లో హాట్ టాపిక్ అయింది. ‘పెద్ది’ సినిమాలోని స్పెషల్ సాంగ్ గురించి సాగుతున్న సుదీర్ఘ సస్పెన్స్ ఎట్టకేలకు ముగిసింది. ఈ క్రేజీ సాంగ్లో రామ్ చరణ్తో స్క్రీన్ షేర్ చేసుకోవడానికి శృతి హాసన్ సిద్ధమైంది. గతంలో వీరిద్దరూ కలిసి నటించిన ‘ఎవడు’ సినిమా బాక్సాఫీస్ వద్ద ఘనవిజయం సాధించడమే కాకుండా వీరిద్దరి కెమిస్ట్రీకి మంచి మార్కులు పడ్డాయి. మళ్ళీ ఇన్నాళ్ల తర్వాత ఈ జంట ఒక స్పెషల్ నంబర్ కోసం కలుస్తుండటంతో సినిమాపై అంచనాలు రెట్టింపు అయ్యాయి.
ఈ కాంబినేషన్కు మరో ప్రత్యేకత కూడా ఉంది. వీరిద్దరూ భారతీయ సినీ దిగ్గజాల వారసులు. రామ్ చరణ్.. తెలుగు మెగాస్టార్ చిరంజీవి కుమారుడు కాగా, శృతి హాసన్.. లెజెండరీ నటుడు కమల్ హాసన్ కుమార్తె. ఇలాంటి ప్రతిష్టాత్మక కుటుంబాలకు చెందిన ఇద్దరు స్టార్ వారసులు మళ్ళీ జతకట్టడం సహజంగానే అభిమానుల్లో విపరీతమైన ఆసక్తిని కలిగిస్తోంది.
Also Read: WB Polling : పోలింగ్ కేంద్రానికి వచ్చిన భారీ ఏనుగు.. పరుగులు పెట్టిన ఓటర్లు
ఆస్కార్ సంగీత సంచలనం
ఈ పాట హైప్ను మరింత పెంచుతూ దీనికి ఆస్కార్ విజేత ఏ.ఆర్. రెహమాన్ సంగీతం అందిస్తున్నారు. బుచ్చిబాబు దర్శకత్వంలో వస్తున్న ఈ మాస్ సాంగ్ను రెహమాన్ ఏ రేంజ్లో కంపోజ్ చేశారోనని మ్యూజిక్ లవర్స్ ఎదురుచూస్తున్నారు.
పెరుగుతున్న అంచనాలు
ప్రస్తుతం టాలీవుడ్లో అత్యంత చర్చనీయాంశమైన చిత్రాల్లో ‘పెద్ది’ ఒకటి. తాజా పరిణామాలతో ఈ ప్రాజెక్ట్ పట్ల క్యూరియాసిటీ మరింత పెరిగింది. ఈ ఎనర్జిటిక్ జోడీని మళ్ళీ స్క్రీన్పై ఎప్పుడెప్పుడు చూస్తామా అని ప్రేక్షకులు ఆతృతగా వేచి చూస్తున్నారు.