Boxing Legend: వైరల్ పిక్స్.. టైగర్ అడుగుపెడితే అంతే మరి!

టాలీవుడ్ క్రేజీ డైరెక్టర్ పూరి జగన్నాథ్ ‘ఇస్మార్ట్ శంకర్’ సక్సెస్ తో ఫుల్ జోష్ లో ఉన్నాడు. రీసెంట్ గా తన కుమారుడు ఆకాశ్ పూరి నటించిన ‘రొమాంటిక్’ మూవీకి మంచి రెస్సాన్స్ వచ్చింది. ఇదే ఉత్సాహంతో పూరి జగన్నాథ్ ‘లైగర్’ మూవీని ప్రతిష్టాత్మకంగా తెరకెక్కిస్తున్నారు. ఈ మూవీ మొదలైనప్పట్నుంచే భారీ అంచనాలు ఏర్పడ్డాయి. విజయ్ దేవరకొండ, పూరి కాంబినేషన్ కావడం.. పాన్ ఇండియా మూవీగా తెరకెక్కుతుండటం.. బాక్సింగ్ లెజెండ్ మైక్ టైసన్ నటిస్తుండటం లాంటివన్నీ హైలైట్ గా నిలుస్తున్నాయి.

తాజాగా మైక్ టైసన్, లైగర్ విజయ్ దేవరకొండ పై కీలక సన్నివేశాలను చిత్రీకరించడానికి టీమ్ రెడీగా ఉంది. ప్రస్తుతం USA లో షెడ్యూల్ రన్ అవుతోంది. ఇప్పటికే షూటింగ్ ప్రారంభం కాగా,  ముఖ్యమైన సన్నివేశాలను రిచ్ గా తీస్తున్నారు. విజయ్, టైసన్ ఇద్దరూ హైఓల్టేజ్ పాత్రలు పోషిస్తున్నందున ఈ సినిమాకు సంబంధించిన ప్రతి ఆప్ డేట్ క్రేజీగా మారుతోంది. ఇవాళ టైసన్ లైగర్ టీం తో ఎంజాయ్ చేసిన ఫొటోలు సోషల్ మీడియాలో వైరల్ గా మారాయి. బాక్సింగ్ టైగర్ ది చాలా ఫ్రెండ్లీ నేచర్ అని, సూపర్ కూల్ అని లైగర్ టీం ప్రశంసలు కురిపిస్తోంది.

పూరి కనెక్ట్స్ నిర్మిస్తున్న ఈ చిత్రానికి విష్ణు శర్మ సినిమాటోగ్రఫీ అందించగా, థాయ్‌లాండ్‌కు చెందిన కెచా స్టంట్ డైరెక్టర్ గా వ్యవహరిస్తున్నారు. పూరి జగన్నాధ్, ఛార్మి కౌర్, కరణ్ జోహార్, అపూర్వ మెహతా కలిసి ఈ చిత్రాన్ని నిర్మిస్తున్నారు. హిందీ, తెలుగు, తమిళం, కన్నడ, మలయాళ భాషల్లో రూపొందుతున్న లిగర్‌లో రమ్యకృష్ణ, రోనిత్ రాయ్ కీలక పాత్రలు పోషిస్తున్నారు. లైగర్ షూటింగ్ చివరి దశలో ఉంది. వచ్చే ఏడాదిలో ఈ చిత్రాన్ని విడుదల చేయడానికి మేకర్స్ ప్లాన్ చేస్తున్నారు.