Indian 2 : ఇండియన్ 2 మళ్ళీ వాయిదా.. ‘గేమ్ ఛేంజర్’కి ఇబ్బంది..

Kamal Haasan Indian 2 Postpone Is Problem For Ram Charan Game Changer

Indian 2 : దర్శకుడు శంకర్, లోకనాయకుడు కమల్ హాసన్ కలిసి తమ సూపర్ హిట్ బ్లాక్ బస్టర్ మూవీ ‘భారతీయుడు’కి సీక్వెల్ గా తీసుకు వస్తున్న చిత్రం ‘ఇండియన్ 2’. 2019లోనే చిత్రీకరణ మొదలు పెట్టుకున్న ఈ చిత్రం.. పలు కారణాలు వల్ల షూటింగ్ నిలిచిపోయింది. అది మళ్ళీ ఎప్పుడు మొదలవుతుందో తెలియక.. శంకర్, రామ్ చరణ్ తో గేమ్ ఛేంజర్ స్టార్ట్ చేసారు. అయితే అది మొదలుపెట్టిన తరువాత ఇండియన్ 2 కి ఉన్న ఇబ్బందులు అన్ని తొలిగిపోయాయి.

దీంతో శంకర్ ఆ సినిమా షూటింగ్ ని కూడా చేయాల్సి వచ్చింది. ఇక చేసేది లేక కొన్ని రోజులు ఇండియన్ 2, గేమ్ ఛేంజర్ కొన్ని రోజులు షూటింగ్ ని జరుపుతూ వచ్చారు. అయితే ఆ తరువాత ఇండియన్ 2 రెండు పార్టులుగా తీసుకు రావాలని నిర్ణయం తీసుకోవడంతో.. గేమ్ ఛేంజర్ మరింత లేట్ అయ్యింది. ఇండియన్ 2 సినిమా రిలీజ్ తరువాతే గేమ్ ఛేంజర్ ని శంకర్ రిలీజ్ చేయనున్నారు. కేవలం రిలీజ్ మాత్రమే కాదు గేమ్ ఛేంజర్ ప్రమోషన్స్ కూడా ఇండియన్ 2 రిలీజ్ తరువాతే చేయనున్నారు. ఈ నిర్ణయంతో గేమ్ ఛేంజర్ కి బాగా ఇబ్బంది అయ్యిపోయింది.

కాగా ఇటీవల ఇండియన్ 2ని జూన్ లో రిలీజ్ చేస్తామంటూ మేకర్స్ అనౌన్స్ చేసారు. ఇక ఈ వార్త చూసి కమల్ హాసన్ ఫ్యాన్స్ కంటే రామ్ చరణ్ ఫ్యాన్స్ ఎక్కువ సంబరపడ్డారు. ఇండియన్ 2 రిలీజ్ అయ్యిపోతే గేమ్ ఛేంజర్ కి ఒక ఇబ్బంది తీరిపోతుందని. అయితే తాజాగా వినిపిస్తున్న వార్త ఏంటంటే.. ఇండియన్ 2 మళ్ళీ వాయిదా పడుతుందట. ఈ సినిమా జూన్ నుంచి తప్పుకొని, కొత్త రిలీజ్ డేట్ కోసం చూస్తుందట. ప్రస్తుతం ఈ వార్త తమిళ్ మీడియాలో వైరల్ అవుతుంది.

ఒకవేళ ఈ వాయిదా వార్త నిజం అయితే గేమ్ ఛేంజర్ కి మళ్ళీ ఇబ్బంది తప్పదు. ఈ విషయం చరణ్ ఫ్యాన్స్ శంకర్ పై అసహనం వ్యక్తం చేస్తున్నారు. ఒకవేళ గేమ్ ఛేంజర్ కూడా వాయిదా వేయాల్సి వస్తే.. ఈ ఏడాది రిలీజ్ చేయడం కష్టం. ఇతర సినిమాలు అన్ని డేట్స్ ఫిక్స్ చేసుకొని కూర్చొన్నాయి. మరి ఇన్నాళ్లు దర్శకుడు నిర్ణయానికి వదిలేసిన దిల్ రాజు.. ఈసారి ఎం చేస్తారో చూడాలి.

Also read : Kalki 2898 AD : నేను కల్కిలో నటించడం లేదు.. కానీ సినిమా మాత్రం.. రానా కామెంట్స్..